ເມື່ອວັນທີ 13 ກໍລະກົດ 2018 ຜູ້ສື່ຂ່າວລາຍງານວ່າ ໜ່ວຍກູ້ໄພຂອງຍີ່ປຸ່ນຍັງພົບຮ່າງຜູ້ເສຍຊີວິດທ່າມກາງຊາກຫັກພັງຈາກໄພພິບັດນ້ຳຖ້ວມ ແລະ ດິນຖະລົ່ມໃນພື້ນທີ່ພາກຕະເວັນຕົກ ເຊິ່ງເປັນໄພທຳມະຊາດຮ້າຍແຮງທີ່ສຸດໃນຮອບ 36 ປີ ຫຼ້າສຸດມີຍອດຜູ້ເສຍຊີວິດສູງເຖິງ 200 ຄົນ ແລະ ມີຜູ້ສູນຫາຍໄປອີກຫຼາຍສິບຄົນ ຄາດວ່າຈະມີຜູ້ເສຍຊີວິດເພີ່ມສູງຂຶ້ນອີກ ມີລາຍງານວ່າມີບ້ານເຮືອນໃນເຂດພື້ນທີ່ໄພພິບັດກວ່າ 200,000 ຫຼັງ ບໍ່ມີນ້ຳໃຊ້ມາເປັນເວລາ 1 ອາທິດແລ້ວ ໂດຍທາງແຂວງ ໂອກາຍາມາ ແລະ ແຂວງ ຮີໂຣຊິມາ ເປັນໜຶ່ງໃນພື້ນທີ່ທີ່ໄດ້ຮັບຄວາມເສຍຫາຍຫຼາຍທີ່ສຸດ ທາງລັດຖະບານຍີ່ປຸ່ນໄດ້ຈັດສັນງົບປະມານເພື່ອດູແລຜູ້ປະສົບໄພ