ສຳນັກຂ່າວຊິນຫົວລາຍງານເມື່ອບໍ່ດົນມານີ້ ບັນດາທີມແພດຈາກໂຮງໝໍແມ່ ແລະ ເດັກ (Shanghai First Maternity and Infant Hospital) ໄດ້ປະສົບຄວາມສຳເລັດໃນການຜ່າຕັດຫົວໃຈໃຫ້ກັບເດັກໃນຄັນມານດາ ໄວອາຍຸ 29 ອາທິດເທົ່ານັ້ນ
ການຜ່າຕັດໃນຄັ້ງນີ້ໄດ້ໃ້ຜູ້ຊ່ຽວຊານເຖິງ 3 ຄົນ ເຂົ້າມາຊ່ວຍກັນດຳເນີນການແກ້ໄຂຮູບຮ່າງຂອງໂພ່ງໃນຫົວໃຈເດັກ ທີ່ມີຂະໜາດນ້ອຍເທ່າແກ່ນໝາກມີ້ ແລະ ຫຼັງຈາກການກວດສອບເປັນເວລາ 3 ອາທິດ ແພດກໍ່ໄດ້ວິນິດໄສວ່າການຜ່າຕັດຄັ້ງນີ້ປະສົບຄວາມສຳເລັດ ແລະ ເຖິງແມ່ນວ່າການຜ່າຕັດຈະສຳເລັດແລ້ວ ແຕ່ຍັງຕ້ອງມີການຕິດຕາມຜົນຂອງເດັກຫຼັງເກີດຢ່າງໃກ້ຊິດໃນໄລຍະຍາວ
ໂດຍຜູ້ຊ່ຽວຊານທັງ 3 ປະກອບມີ ທ່ານ ຊຸນ ລູ່ໝິງ ຜູ້ອຳນວຍການໂຮງໝໍແມ່ ແລະ ເດັກຊຽງໄຮ້ ແລະ ສູນວິນິໄສກ່ອນເກີດ,ທ່ານ ຫຼີ່ ເຟິ່ນ ຫົວໜ້າພະແນກໂຣກຫົວໃຈຂອງສູນການແພດເດັກຊຽງໄຮ້ ແລະ ທ່ານ ອູ໋ ຫຼິນ ຫົວໜ້າແຜນການກວດຫົວໃຈ ແລະ ຫຼອດເລືອດຂອງໂຮງໝໍເດັກ ແຫ່ງມະຫາວິທະຍາໄລຟູ່ຕັ້ນ