spot_img
Homeຂ່າວຕ່າງປະເທດຜົນການເຈລະຈາສະຫະລັດ-ເກົາຫຼີເໜືອມີແວວຍົກເລີກການປົດອາວຸດນິວເຄລຍ

ຜົນການເຈລະຈາສະຫະລັດ-ເກົາຫຼີເໜືອມີແວວຍົກເລີກການປົດອາວຸດນິວເຄລຍ

Published on

ເມື່ອວັນທີ 8 ກໍລະກົດ 2018 ເອພີລາຍງານຜົນການເຈລະຈາລະຫວ່າງຄະນະຜູ້ແທນຈາກສະຫະລັດອາເມລິກາ ກັບລັດຖະບານເກົາຫຼີເໜືອ ທີ່ເປີດບ້ານຕ້ອນຮັບ ວ່າຜົນການເຈລະຈາຈົບລົງແບບບໍ່ໜ້າພໍໃຈ ຈົນເຖິງຂັ້ນອາດຍົກເລີກຄວາມຕັ້ງໃຈທີ່ຈະປົດອາວຸດທັງທີ່ເມື່ອກ່ອນເຄີຍຈິງຈັງມາກ່ອນ ນອກຈາກນີ້ເກົາຫຼີເໜືອຍັງຖະແຫຼງວ່າ ໜ້າເສຍໃຈ ແລະ ກ່າວຫາຂໍ້ຮຽກຮ້ອງຂອງອາເມລິກາວ່າມີລັກສະນະຄືນັກນັກເລງໃຫຍ່.

ການຢ້ຽມຢາມນະຄອນຫຼວງປຽງຢາງ ເກົາຫຼີເໜືອສອງມື້ຂອງ ທ່ານ ພອມເພໂອ ລັດຖະມົນຕີກະຊວງການຕ່າງປະເທດຂອງອາເມລິກາ ຄັ້ງນີ້ບໍ່ໄດ້ເຂົ້າພົບກັບທ່ານ ຄິມຈອງອຶນ ແຕ່ມີການເຂົ້າປຶກສາຫາລືໃນຫົວຂໍ້ປົດອາວຸດນິວເຄລຍ ແລະ ການສົ່ງກັບສົບທະຫານຊາວອາເມລິກາທີ່ເສຍຊີວິດໃນສົງຄາມເກົາຫຼີ.

ຫຼັງການປະຊຸມສຳເລັດບໍ່ພໍເທົ່າໃດຊົ່ວໂມງ ກະຊວງການຕ່າງປະເທດເກົາຫຼີເໜືອອອກຖະແຫຼງຕຳນິຝ່າຍສະຫະລັດວ່າ ຫັກຫຼັງນິມິດໝາຍອັນດີໃນການພົບປະລະຫວ່າງທ່ານ ໂດນັລ ທຣັມ ຜູ້ນຳສະຫະລັດ ກັບ ທ່ານ ຄິມຈອງອຶນ ດ້ວຍການຮຽກຮ້ອງຄືກັບຕົນເອງເປັນນັກເລງໃຫຍ່ໃນເລື່ອງການປົດອາວຸດນິວເຄລຍແບບຮາກແຕກ.

“ເຮົາຄາດຫວັງວ່າທາງສະຫະລັດຈະນຳສະເໜີມາດຕະການທີ່ສ້າງສັນທີ່ຈະຊ່ວຍສ້າງຄວາມເຊື່ອໝັ້ນຈາກນິມິດໝາຍອັນດີໃນການປະຊຸມຜູ້ນຳ ເຮົາຍັງຄິດເຖິງການຫາມາດຕະການທີ່ຕ່າງຕອບແທນກັນ”  ໂຄສົກກະຊວງການຕ່າງປະເທດເກົາຫຼີເໜືອຖະແຫຼງຜ່ານສຳນັກຂ່າວກາງເກົາຫຼີເໜືອ.

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...