ສຳນັກຂ່າວຕ່າງປະເທດລາຍງານວ່າ ສະພາບເຫດການນ້ຳຖ້ວມໃນພື້ນທີ່ຕອນກາງ ແລະ ທາງຕະເວັນອອກຂອງປະເທດຍີ່ປຸ່ນ ຍັງໜ້າເປັນຫ່ວງ ທາງການເລັ່ງສົ່ງຄວາມຊ່ວຍເຫຼືອໃນພື້ນທີ່ຫຼາຍໝູ່ບ້ານທີ່ຍັງມີລະດັບນ້ຳຖ້ວມຂັງສູງ ເຖິງແມ່ນວ່າຂະນະນີ້ປະລິມານນ້ຳຝົນໄດ້ຫຼຸດລົງໄປແລ້ວ ແຕ່ຄາດການວ່າຝົນຈະຕົກລົງມາອີກຮອບໃໝ່
ນາຍົກລັດຖະມົນຕີຍີ່ປຸ່ນໄດ້ຮຽກປະຊຸມຫາລື ກັບຄະນະລັດຖະມົນຕີ ເພື່ອຮັບມືກັບສະພາບເຫດການອຸທົກກະໄພນີ້ ໂດຍປະກາດໃຫ້ຄວາມຊ່ວຍເຫຼືອປະຊາຊົນຢ່າງຮີບດ່ວນ ຫຼັງຈາກລະດັບນ້ຳຍັງຄົງທີ່ ແລະ ມີຍອດຜູ້ເສຍຊີວິເພີ່ມຂຶ້ນຫຼາຍກວ່າ 90 ຄົນ ແລະ ຍັງມີຜູ້ສູນຫາຍອີກ 58 ຄົນ, ມີປະຊາຊົນກວ່າ 500,000ຄົນໄດ້ຮັບຜົນກະທົບ ທາງການໄດ້ສັ່ງອົບພະຍົບປະຊາຊົນເພີ່ມເປັນ 2 ລ້ານຄົນອອກຈາກພື້ນທີ່ສ່ຽງໄພ ນັບເປັນເຫດການໄພພິບັດທາງທຳມະຊາດທີ່່ຮ້າຍແຮງໃນຮອບ 4 ປີຂອງຍີ່ປຸ່ນ ເຊິ່ງທາງສຳນັກກົມອຸຕຸນິຍົມວິທະຍາຂອງຍີ່ປຸ່ນຍັງປະກາດເຕືອນນ້ຳຖ້ວມ ແລະ ດິນຖະລົ່ມ ໃນລະດັບສູງສຸດໃນຫຼາຍໆພື້ນທີ່ຕອນກາງ ແລະ ທາງຕະເວັນອອກຂອງປະເທດ
ສື່ຫຼາຍສຳນັກລາຍງານວ່າ ໄພພິບັດດັ່ງກ່າວກຳລັງເກີດຂຶ້ນກັບ 8 ແຂວງ ຮວມທັງໂຕກຽວ ແລະ ຮີໂຣຊິມາ ທາງດ້ານ ທ່ານ ສິນໂສະ ອາເບະ ນາຍົກລັດຖະມົນຕີຍີ່ປຸ່ນ ໄດ້ສັ່ງໃຫ້ເຈົ້າໜ້າກວ່າ 54,000 ຄົນອອກປະຕິບັດໜ້າທີ່ໃນການຄົ້ນຫາ ແລະ ກູ້ໄພ