ເມື່ອວັນທີ 9 ກັນຍາ 2014 ທີ່ຜ່ານມາ ສຳນັກຂ່າວຕ່າງປະເທດ ລາຍງານຄວາມຄືບໜ້າຂອງສະຖານະການນ້ຳ
ຖ້ວມຄັ້ງໃຫຍ່ໃນແຄ້ວນແຄດເມຍ ທາງພາກເໜືອຂອງອິນເດຍ ແລະ ທາງຕາເວັນອອກຂອງປາກິດສະຖານ
ທີ່ດຳເນີນມາຫຼາຍວັນແລ້ວໂດຍໄດ້ລະບຸວ່າ ຍັງຄົງຢູ່ໃນສະພາບວິກິດ ແລະ ເປັນເຫດເຮັດໃຫ້ມີຜູ້ເສຍຊີວິດເພີ່ມ
ຂຶ້ນຢ່າງໜ້ອຍ 375 ລາຍແລ້ວ ໃນຂະນະທີ່ເຈົ້າໜ້າທີ່ທາງການ ພະຍາຍາມນຳສົ່ງສິ່ງຂອງບັນເທົາທຸກ ໄປຊ່ວຍ
ເຫລືອຊາວບ້ານຫລາຍແສນຄົນ ທີ່ຍັງຕິດຄ້າງຢູ່ເທິງຫລັງຄາເຮືອນ ຫລື ພື້ນທີ່ສູງ ແລະ ຄວາມພະຍາຍາມທີ່
ຈະອົບພະຍົບປະຊາຊົນ ອອກມາຈາກພື້ນທີ່ປະສົບໄພ.
ລາຍງານຂ່າວໄດ້ລະບຸວ່າ ໃນປາກິດສະຖານ ມີຜູ້ເຄາະຮ້າຍສັງເວີຍຊີວິດຈາກອຸທົກກະໄພຄັ້ງໃຫຍ່ແລ້ວ 200 ຄົນ
ສ່ວນໃຫຍ່ຢູ່ໃນລັດປັນຈາບ ທາງພາກຕາເວັນອອກ, ສ່ວນຢູ່ທີ່ແຄ້ວນແຄດເມຍຂອງອິນເດຍນັ້ນ ມີຜູ້ເສຍຊີວິດ
175 ຄົນ ໂດຍສ່ວນໃຫຍ່ແມ່ນເນື່ອງຈາກຖືກກະແສນ້ຳໄຫລແຮງພັດພາໄປ.
ທັງນີ້ ເມື່ອທ້າຍອາທິດທີ່ຜ່ານມາ ນາຍົກລັດຖະມົນຕີ ນະເຣນທຣາ ໂມດີ ແຫ່ງອິນເດຍ ໄດ້ສົ່ງສານເຖິງ ທ່ານ ນາ
ວາດ ຊາຣິບ ນາຍົກລັດຖະມົນຕີປາກິດສະຖານ ເພື່ອສະເໜີຄວາມຊ່ວຍເຫລືອຊາວປາກິດສະຖານທີ່ປະສົບໄພນ້ຳ
ຖ້ວມຢູ່ໃນບໍລິເວນຊາຍແດນປາກິດສະຖານ ທີ່ຕິດກັບແຄ້ວນແຄດເມຍຂອງອິນເດຍ ໂດຍນາຍົກລັດຖະມົນຕີ
ຊາຣິບ ໄດ້ສະແດງຄວາມຂອບໃຈຕໍ່ໄມຕີຈິດຂອງທາງການອິນເດຍ ທີ່ສະເໜີໃຫ້ຄວາມຊ່ວຍເຫລືອດັ່ງກ່າວ ເຊິ່ງ
ເຫລືອພຽງແຕ່ໃນຂະນະນີ້ ທາງການປາກິດສະຖານ ໄດ້ກຽມຂະຫຍາຍຄວາມຊ່ວຍເຫລືອແກ່ຜູ້ປະສົບໄພເທົ່າທີ່
ຕົນເອງຈະເຮັດໄດ້.
