ເມື່ອວັນທີ 9 ກັນຍາ 2014 ສຳນັກຂ່າວຕ່າງປະເທດລາຍງານວ່າ ນະຄອນອາບູດາບີ ຂອງສະຫະລັດອາຫລັບເອມິເຣດ
ກຽມໂຕເປີດສູນການຄ້າຂະໜາດໃຫຍ່ ເຊິ່ງໃຫຍ່ເປັນອັນດັບ 2 ຂອງປະເທດ ຄວບຄຸມພື້ນທີ່ກ່ວາ 235,500 ຕາແມັດ.
ສູນການຄ້າແ່ຫງນີ້ມີຊື່ວ່າ ຢາສມໍ (Yas Mall) ຕັ້ງຢູ່ເທິງເກາະຢາສ ເຊິ່ງເປັນເກາະທີ່ສ້າງຂຶ້ນຈາກການຖົມທະເລ ໂດຍ
ຢາສມໍ ຈະປະກອບໄປດ້ວຍຮ້ານຄ້າຫລາຍກ່ວາ 400 ແຫ່ງ, ໂຮງຮູບເງົາ 20 ໂຮງ ພ້ອມກັບສິ່ງອຳນວຍຄວາມສະດວກ
ແລະ ສິ່ງບັນເທີງຄົບຖ້ວນ ເຊິ່ງມີກຳນົດເປີດໃຫ້ບໍລິການພາຍໃນເດືອນພະຈິກນີ້ ໂດຍທາງທ່ານ ອັນດາ ຜູ້ສ້າງສູນການ
ຄ້າແຫ່ງນີ້ໄດ້ເປີດເຜີຍວ່າ ຫາກເປີດໃຫ້ບໍລິການແລ້ວ ຄາດວ່າຈະຮອງຮັບນັກທ່ອງທ່ຽວທີ່ມາຢ້ຽມຢາມສະຫະລັດອາ
ຫລັບເອມິເຣດ ໄດ້ປີລະ 20 ລ້ານຄົນ.
ທັງນີ້ ສຳລັບຢາສມໍແຫ່ງນີ້ ເປັນສູນການຄ້າທີ່ໃຫຍ່ອັນດັບທີ 2 ຂອງສະຫະລັດອາຫລັບເອມິເຣດ ຮອງຈາກດູໄບມໍ ທີ່ມີ
ເນື້ອທີ່ກວ້າງໃຫຍ່ເຖິງ 502,000 ຕາແມັດ.
