ສຳນັກຂ່າວຕ່າງປະເທດລາຍງານຈາກເມືອງເທລອາວີຟ, ປະເທດອິດສະລາແອນ ເມື່ອວັນທີ 20 ມິຖຸນາ ວ່າກອງກຳລັງປ້ອງກັນອິດສະລາແອນ (IDF) ອອກຖະແຫລງການວ່າເຮືອບິນຮົບຈຳນວນຫນື່ງປະຕິບັດການທາງອາກາດຕໍ່ເປົ້າຫມາຍ 25 ແຫ່ງໃນເຂດກາຊາ ໃນຕອນເຊົ້າຂອງວັນພຸດຕາມເວລາທ້ອງຖີ່ນອິດສະລາແອນ ເພື່ອຕອບໂຕ້ການທີ່ກຸ່ມຮາມາສລະດົມຍິງຈະຫຼວດ ແລະ ລູກປືນໃຫຍ່ລວມ 45 ລຸກ ຂ້າມຊາຍແດນມາຍັງອິດສະລາແອນ. ຢ່າງໃດກໍຕາມລະບົບປ້ອງກັນທາງອາກາດໄອເອີນໂດຣນ ສາມາດສະກັດຈະຫຼວດດັ່ງກ່າວໄວ້ໄດ້ 7 ລູກ.
#BREAKING: Sirens heard in Southern Israel – for the 2nd time tonight; Earlier the Israeli IDF struck Gaza after 13 rockets were launched towards southern Israel pic.twitter.com/REfQ4CxJI5
— Amichai Stein (@AmichaiStein1) June 20, 2018
ແມ່ນວ່າລາຍງານຂອງ IDF ບໍ່ໄດ້ລະບຸວ່າມີຜູ້ເສຍຊີວິດ ຫລື ໄດ້ຮັບບາດເຈັບຈາກເຫດການຄັ້ງນີ້ຫລືບໍ ແຕ່ກຸ່ມຮາມາສເປີດເຜີຍວ່າສະມາຊິກຂອງພວກເຂົາຢ່າງຫນ້ອຍ 2 ຄົນແມ່ນໄດ້ຮັບບາດເຈັບຈາກການຖີ້ມລະເບີດໂຈມຕີຂອງເຮືອບິນຮົບອິດສະລາແອນ ໃນເຂດທາງໃຕ້ຂອງກາຊາ. ໃນຊ່ວງເວລາ2-3ອາທິດທີ່ຜ່ານມາ ມີກຸ່ມຜູ້ປະທ້ວງປາເລສໄຕນ໌ ຈຳນວນຫນື່ງນໍາໃຊ້ວ່າວ ຫລື ປຸມເປົ້າທີ່ມີການມັດຕິດກັບລະເບີດໃຫ້ລອຍຂ້າມມາພົມແດນ ເພື່ອສ້າງຄວາມເສຍຫາຍໃຫ້ກັບພື້ນທີ່ກະສິກຳຂອງອິດສະລາແອນ.
ທັງນີ້ ອິດສະລາແອນ ແລະ ກຸ່ມຮາມາສສູ້ຮົບກັນມາແລ້ວຈົນນັບຄັ້ງບໍ່ໄດ້ ແຕ່ສະຖານະການແມ່ນຍີ່ງແກ່ຍາວບານປາຍກາຍເປັນສົງຄາມເຕັມຮູບແບບມາແລ້ວ 2 ຄັ້ັງ ໂດຍຄັ້ງທຳອິດແມ່ນຊ່ວງທ້າຍປີ 2008 ຮອດຕົ້ນປີ 2009 ສົ່ງຜົນເຮັດໃຫ້ຄົນປາເລສໄຕນ໌ເສຍຊີວິດຫລາຍກວ່າ 1,400 ຄົນ ສ່ວນທະຫານອິດສະລາແອນແມ່ນເສຍຊີວິດ 10 ຄົນ ແລະ ສົງຄາມໃຫຍ່ຄັ້ງທີ 2 ເກີດຂື້ນລະຫວ່າງເດືອນ ກໍລະກົດ ເຖີງ ເດືອນ ສິງຫາ 2014 ເປັນເຫດເຮັດໃຫ້ຜູ້ຄົນປາເລສໄຕນ໌ເສຍຊີວິດຫລາຍກວ່າ 2,300 ຄົນ ທາງຝ່າຍອິດສະລາແອນແມ່ນເສຍຊີວິດ 74 ຄົນ ໂດຍແບ່ງເປັນທະຫານຈຳນວນ 67 ຄົນ.
ແຫລ່ງຂ່າວຕ່າງປະເທດ: TDN
ວິດີໂອອ້າງອີງຈາກ: Amichai Stein