ນັກວິທະຍາສາດມະຫາວິທະຍາໄລ ແຄລິຟໍເນຍ ຣີເວີໄຊ ແລະ ມະຫາວິທະຍາໄລ ເຊົາເທຣິນ ຄວິນສແລນ ພົບວ່າ ທີ່ນອກລະບົບສຸລິຍະຂອງເຮົາ ມີດາວເຄາະ 121 ດວງ ໂຄຈອນຫ່າງຈາກດາວຂອງຕົວເອງໃນໄລຍະທີ່ເໝາະສົມຕໍ່ສິ່ງທີ່ມີຊີວິດ
ຂໍ້ມູນລະບຸວ່າ ດາວເຄາະແຕ່ລະດວງທີ່ພົບມີຄວາມກວ້າງຫຼາຍກວ່າໂລກ 3 ເທົ່າ ແລະ ແຕ່ລະດວງມີດວງຈັນຂະໜາດໃຫຍ່ພໍໃຫ້ມະນຸດອາໃສໄດ້
ທ່ານ ສະຕີເຟນ ເຄນ ນັກວິຊາການຟີຊິກດາຣາສາດ ຈາກມະຫາວິທະຍາໄລ ແຄລິຟໍເນຍ ຣິເວີໄຊ ຢ້ຳວ່າ ເມື່ອກ່າວເຖິງລະບົບສຸລິຍະຂອງເຮົາ ເຮົາຮູ້ວ່າມີດວງຈັນ 175 ດວງ ສ່ວນໃຫຍ່ໂຄຈອນຮອບດາວເສົາ ແລະ ດາວພະຫັດ ແຕ່ທັງດາວເສົາ ແລະ ດາວພະຫັດ ບໍ່ໄດ້ຢູ່ໃນໄລຍະທີ່ເໝາະສົມຕໍ່ສິ່ງທີ່ມີຊີວິດ ເຊິ່ງຕ່າງຈາກການຄົ້ນພົບໃໝ່ນີ້ ເພາະດາວກວ່າ 100 ດວງນີ້ ໂຄຈອນຫ່າງຈາກດາວຂອງຕົວເອງໃນໄລຍະທີ່ເໝາະສົມພໍດີ ເທົ່າກັບວ່າພວກມັນມີດວງຈັນທີ່ເປັນຫີນ ທີ່ມະນຸດສາມາດອາໃສໄດ້ໃນອານາຄົດ