ເວັບໄຊເດລີເມລ ລາຍງານເມື່ອວັນທີ 19 ມິຖຸນາ 2018ນີ້ວ່າ ເຮືອບິນຂອງສາຍການບິນ Russian Airlines Airbus A319-100. ລຳທີ່ທີມຊາດ ຊາອຸດິອາຣະເບຍໂດຍສານໄປແຂ່ງຂັນບານໂລກນັດຕໍ່ໄປ ເຊິ່ງຈະມີກຳນົດການລງສະໜາມໃນວັນທີ 20 ມິຖຸນາ 2018ນີ້ ໄດ້ເກີດໄຟລຸກໄໝ້ຈາກປີກຂວາຂອງເຮືອບິນລຳດັ່ງກ່າວ ຫຼັງບິນຂຶ້ນທ້ອງຟ້າພຽງບໍ່ດົນ
ມີຜູ້ໃຊ້ Twitter: italaal ໄດ້ເຜີຍແຜ່ຮູບພາບດັ່ງກ່າວ ໃນຊ່ວງເວລາເກີດເຫດ ມີຜູ້ຖ່າຍຮູບເປວໄຟທີ່ລຸກໄໝ້ມາຈາກປີກຂວາຂອງເຮືອບິນລຳດັ່ງກ່າວ ແຕ່ຫຼັງຈາກນັ້ນນັກບິນກໍ່ຍັງຂັບຕໍ່ໄປ ຈົນນຳເຄື່ອງລົງຈອດທີ່ສະໜາມບິນໃນເມືອງ ຣັສຕອຟ-ນາ-ດານູ ໃນແຄວ້ນຣັສຕອຟ ທາງໃຕ້ຂອງຣັດເຊຍ ໄດ້ຢ່າງປອດໄພ ແລະ ບໍ່ມີຄົນໄດ້ຮັບບາດເຈັບຈາກເຫດການຄັ້ງນີ້
ດ້ານສະຫະພັນບານເຕະຊາອຸດິອາຣະເບຍ ຖະແຫຼງອອກມາວ່າ ສະຫະພັນຂໍຢືນຢັນວ່າສະມາຊິກທີມຊາດທຸກຄົນປອດໄພ ຫຼັງຈາກເກີດເຫດຜິດພາດທາງເທັກນິກເລັກໜ້ອຍກັບເຮືອບິນລຳດັ່ງກ່າວ
ແຫລ່ງຂ່າວ:
ຂໍ້ມູນ :Daily Mail
ຮູບປະກອບ :Twitter: italaal