spot_img
Homeຂ່າວຕ່າງປະເທດກຳປູເຈຍ ຫ້າມໂຄສະນາເຄື່ອງດື່ມແອນກໍຮໍ ທາງໂທລະພາບ ແລະ ວິທະຍຸ

ກຳປູເຈຍ ຫ້າມໂຄສະນາເຄື່ອງດື່ມແອນກໍຮໍ ທາງໂທລະພາບ ແລະ ວິທະຍຸ

Published on

 

ກະຊວງຖະແຫຼງຂ່າວກຳປູເຈຍ ໄດ້ຮຽກຮ້ອງມາດຕະການຄວບຄຸມການໂຄສະນາເຄື່ອງດື່ມແອນກໍຮໍ ທາງວິທະຍຸ ແລະ

ໂທລະພາບ ຕັ້ງແຕ່ເດືອນຕຸລາຂອງປີນີ້ເປັນຕົ້ນໄປ.

 

ສຳນັກຂ່າວຕ່າງປະເທດລາຍງານ ໃນວັນທີ 9 ກັນຍາ 2014 ຜ່ານມາວ່າ ທາງກະຊວງຖະແຫຼງຂ່າວຂອງກຳປູເຈຍ ໄດ້ມີ

ການນຳສະເໜີແນະມາດຕະການດັ່ງກ່າວຂຶ້ນ ໃນກອງປະຊຸມການຄວບຄຸມໂຄສະນາເຄື່ອງດື່ມແອນກໍຮໍ ເທິງສະຖານີ

ໂທລະພາບ ແລະ ວິທະຍຸ ຕັ້ງແຕ່ເວລາ 18:00 ໂມງ ເຖິງເວລາ 20:00 ໂມງ ໂດຍທ່ານ ຄຽວ ກັນລິດ ລັດຖະມົນຕີກະຊວງ

ຖະແຫຼງຂ່າວເປັນປະທານໃນກອງປະຊຸມ ພ້ອມດ້ວຍບັນດາຜູ້ແທນຈາກສະຖານີໂທລະພາບ ແລະ ວິທະຍຸທັງຂອງລັດ

ແລະ ຂອງເອກະຊົນເຂົ້າຮ່ວມຢ່າງພ້ອມພຽງ.

 

ລັດຖະມົນຕີກະຊວງຖະແຫຼງຂ່າວໄດ້ເວົ້າວ່າ ນັບຕັ້ງແຕ່ວັນທີ 1 ຕຸລາ 2014 ນີ້ເປັນຕົ້ນໄປ ທາງການຈະອະນຸຍາດໃຫ້

ໂຄສະນາໄດ້ສະເພາະໂລໂກ້ ແລະ ສະໂລແກນຂອງເຄື່ອງດື່ມແອນກໍຮໍເທົ່ານັ້ນ ແລະ ຕັ້ງແຕ່ວັນທີ 1 ມັງກອນ 2015 ໂຄ

ສະນາເຄື່ອງດື່ມແອນກໍຮໍທຸກຊະນິດ ຈະຫ້າມໂຄສະນາທາງໂທລະພາບ ແລະ ວິທະຍຸໃນຊ່ວງເວລາລະຫວ່າງ 18:00​ ໂມງ

ຫາ 20:00 ໂມງ ໂດຍນັບຕັ້ງແຕ່ປີ 2015 ເປັນຕົ້ນໄປ ການຈັດສະແດງໂລໂກ້ເຄື່ອງດື່ມແອນກໍຮໍ ລະຫວ່າງລາຍການ

ຄອນເສີດ ຫຼື ການແຂ່ງຂັນຊົກມວຍ ກໍຈະບໍ່ໄດ້ຮັບການອະນຸຍາດເຊັ່ນກັນ.

 

ທັງນີ້ ກຳປູເຈຍຍັງບໍ່ທັນມີກົດໝາຍຫ້າມໂຄສະນາເຄື່ອງດື່ມແອນກໍຮໍ ໃນຂະນະດຽວກັນກໍຍັງບໍ່ມີການຫ້າມໂຄສະນາ

ຢາສູບ ທາງໂທລະພາບ ແລະ ວິທະຍຸເຊັ່ນດຽວກັນອີກດ້ວຍ.

 

BOX-CAMBODIA
ໂລໂກ້ ແລະ ປ້າຍແບນເນີ້ໂຄສະນາຂອງເບຍ Cambodia ທີ່ຢູ່ໃນເວທີການຊົກມວຍຖ່າຍທອດທາງໂທລະພາບ ຕໍ່ໄປລັດຖະບານກຳປູເຈຍຈະບໍ່ອະນຸຍາດໃຫ້ໃຊ້ໂລໂກ້ດັ່ງກ່າວຢ່າງສິ້ນເຊີງ

 

1623791_576256235786132_683369588_o
ຕົວຢ່າງບາງສ່ວນການໂຄສະນາ ທີ່ມີໂລໂກ້ຂອງເຄື່ອງດື່ມແອນກໍຮໍ ໃນໂທລະພາບ ເຊິ່ງກະຊວງຖະແຫຼງຂ່າວຂອງກຳປູເຈຍ ຈະໃຊ້ມາດຕະການເດັດຂາດ ໃນການຄວບຄຸມ

 

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...