ໄລຍະນີ້ເຫັນໄດ້ແຈ່ມແຈ້ງວ່າ ສາວໆ ສ່ວນໃຫຍ່ຫັນມາໃສ່ໃຈສຸຂະພາບ ແລະຮູບຮ່າງກັນຫລາຍຂຶ້ນ ແລະ ຫລາຍຄົນກໍເປັນກັງວົນເລື່ອງອາຫານການກິນຢູ່ບໍ່ໜ້ອຍ ໂດຍສະເພາະຄົົນທີ່ມັກ ດື່ມຊາ ຫລາຍຄົນເປັນກັງວົນວ່າ ການດື່ມຊາອາດມີຜົນຕໍ່ນ້ຳໜັກໄດ້ ແຕ່ມື້ນີ້ສຳລັບຄົົນທີ່ມັກດື່ມຊາກຽມດີໃຈໄດ້ເລີຍ ເພາະເຮົາມີຊາ ຊະນິດຕ່າງໆ ທີ່ຈະມາເປັນຕົວຊ່ວຍໃນການ ຫລຸດນ້ຳໜັກ ແລະ ຖືເປັນການຜ່ອນຄາຍອາລົມກັບຊາຫອມໆໄປນໍາໃນໂຕ
1. ຊາຂຽວ
ຊາຂຽວ ນັ້ນເປັນຊາທີ່ສາມາດໃຊ້ດື່ມເພື່ອຫລຸດນ້ຳໜັກໄດ້ໂດຍຜູ້ຊ່ຽວຊານໄດ້ກ່າວໄວ້ວ່າ ການດື່ມຊາຂຽວນັ້ນບໍ່ແມ່ນວ່າດື່ມແລ້ວຈະຫລຸດໄດ້ທັນທີ ແຕ່ຕ້ອງດື່ມເປັນປະຈຳ ເຊິ່ງຊາຂຽວຈະຊ່ວຍເພີ່ມອັດຕາ ທາດເມທາບໍລິຊຶມ ເພີ່ມອັດຕາການເຜົາຜານ ຄາໂບໄຮເດດ ແລະ ທາດ ອອກຊິເດຊັນ ຂອງໄຂມັນເມື່ອອອກກຳລັງກາຍ ການດື່ມມື້ລະ 2ເຖິງ 5ຈອກຕໍ່ມື້ ກໍສາມາດຊ່ວຍເຈົ້າໃນການຫລຸດນ້ຳໜັກໄດ້ແລ້ວ
2. ຊາອູ່ຫລົງ
ໃບຊາອູ່ຫລົງ ນັ້ນເມື່ອທຽບກັບໃບຊາຂຽວແລ້ວ ຈະມີຄວາມຍາວຫລາຍກວ່າແຕ່ບໍ່ເທົ່າໃບຊາດຳ ເຊິ່ງຊາອູ່ຫລົງນັ້ນມີສັບພະຄຸນຫລາຍ ທີ່ສ່ວນໃຫຍ່ແລ້ວສົ່ງຜົນຕໍ່ການ ຫລຸດນ້ຳໜັກ ທັງນັ້ນເລີຍ ເພາະຊາອູ່ຫລົງນັ້ນຈະຊ່ວຍຫລຸດຜົນກະທົບຕ່າງໆທີ່ໄດ້ຮັບຈາກໄຂມັນ ບໍ່ວ່າຈະເປັນການຫລຸດປະລິມານໄຂມັນທີ່ສະສົມໃນຮ່າງກາຍ ແລະ ຍັງສາມາດເພີ່ມການເຜົາຜານໄຂມັນໄດ້ອີກ ໂດຍສິ່ງທີ່ເກີດຂື້ນເຫລົ່ານີ້ກໍຈະສົ່ງຜົນໃຫ້ເບິ່ງຈ່ອຍລົງນັ້ນເອງ ພຽງດື່ມມື້ລະ 3ຈອກຕໍ່ມື້ເທົ່ານັ້ນເອງ
3. ຊາດຳ
ຊາດຳ ນັ້ນເປັນຊາທີ່ມີລົດເຂັ້ມກວ່າ ຊາຊະນິດອື່ນໆ ແລະ ກໍມີຄາເຟອີນຫລາຍກວ່າຊາອື່ນໆເຊັ່ນກັນ ສຳລັບຄົົນທີ່ມີ ອິນຊູລິນ ທີ່ມີຄວາມໄວຕ່ຳນັ້ນຈະມີຄວາມສ່ຽງທີ່ຈະຕຸ້ຍຫລາຍກວ່າຄົນອື່ນ ເຊິ່ງສາມາດດື່ມຊາດຳເພື່ອເພີ່ມຄວາມໄວຂອງອິນຊູລິນໄດ້
4. ຊາກຸຫລາບ
ຊາກຸຫລາບ ເປັນໜຶ່ງໃນຊາທີ່ເກົ່າແກ່ທີ່ສຸດ ທີ່ມີຜົນໃນການປິ່ນປົວ ແລະ ການຫລຸດນ້ຳໜັກ ໂດຍຊາກຸຫລາບນັ້ນ ເຮັດມາຈາກໃບກຸຫລາບສົດ ແລະ ຕາຊາປະສົມກັນ ເຊິ່ງວັດຖຸດິບເຫລົ່ານີ້ອຸດົມໄປດ້ວຍວິຕາມິນເອ, ບີ3, ຊີ, ດີ ແລະ ອີ ຊາກຸຫລາບນັ້ນຈະຊ່ວຍໃນການຕ້ານເຊື້ອຕ່າງໆ ແລະ ຍັງເຮັດໃຫ້ຈ່ອຍລົງດ້ວຍການກຳຈັດ ສານພິດໃນຮ່າງກາຍໄດ້ນໍາອີກ