spot_img
Homeອຸບັດເຫດແລະປາກົດການຫຍໍ້ທໍ້ຈັບພໍ່ບ້າກາມຂົ່ມຂືນລູກສາວຕົນເອງ ຈົນຖືພາໄດ້ 6 ເດືອນ

ຈັບພໍ່ບ້າກາມຂົ່ມຂືນລູກສາວຕົນເອງ ຈົນຖືພາໄດ້ 6 ເດືອນ

Published on

ອີງຕາມເວັບໄຊຂ່າວໜັງສືພິມຄວາມສະຫງົບ ລາຍງານເມື່ອວັນທີ 31 ພຶດສະພາ 2018 ວ່າ ມີເຫດການຂົ່ມຂືນທໍາສຳເລົາຢູ່ເມືອງ ປາກລາຍ ແຂວງໄຊຍະບູລີ ໂດຍແມ່ນຜູ້ເປັນພໍ່ຂົ່ມຂືນລູກສາວຄີງຕົວເອງ ອາຍຸ 16 ປີ ຈົນມີລູກໃນທ້ອງໄດ້ 6 ເດືອນ ຄວາມລັບຈຶ່ງເປີດເຜີຍ, ແລ້ວການຈັດຕັ້ງບ້ານໄດ້ເຂົ້າແຈ້ງຄວາມຕໍ່ເຈົ້າໜ້າທີ່ ເພື່ອນໍາຕົວໄປດໍາເນີນຄະດີ ຕາມກົດໝາຍ.

ເຈົ້າໜ້າທີ່ ປກສ ເມືອງປາກລາຍ ໃຫ້ຮູ້ ວ່າ: ໃນວັນທີ 28 ມີນາ 2018, ໄດ້ຮັບແຈ້ງຄວາມຈາກອໍານາດການປົກ ຄອງບ້ານພາຍໃນເມືອງວ່າ: ມີເຫດການຜູ້ເປັນພໍ່ໄດ້ທຳສຳເລົາລູກສາວຄີງຕົນເອງ ຈົນເຮັດໃຫ້ລູກສາວຖືພາໄດ້ 6 ເດືອນ. ຈາກນັ້ນ, ເຈົ້າໜ້າທີ່ໄດ້ໄປກວດກາເບິ່ງຄອບຄົວທີ່ເຄາະຮ້າຍດັ່ງກ່າວ ເຫັນວ່າມີຄວາມຈິງ, ຈຶ່ງໄດ້ຈັບຕົວຜູ້ກໍ່ ເຫດ ຊື່ ທ້າວ ແມ້ວ ອາຍຸ 38 ປີ.

ຜ່ານການສອບສວນ, ທ້າວ ແມ້ວ ຮັບສາລະພາບວ່າ: ໃນໄລຍະ ປີ 2002 ຕົນເອງໄດ້ສ້າງຄອບຄົວກັບ ນາງ ວອນ ອາຍຸ 36 ປີ ຢູ່ ເມືອງປາກລາຍຢ່າງຖືກຕ້ອງຕາມຮີດຄອງປະເພນີ, ມີລູກຮ່ວມກັນ 3 ຄົນ ຍິງ 2 ຄົນ; ເຊິ່ງຕະຫຼອດ ໄລຍະ 10 ກວ່າປີຜ່ານມາ, ພາຍໃນຄອບຄົວໄດ້ດໍາລົງຊີວິດຢູ່ຮ່ວມກັນດ້ວຍຄວາມອົບອຸ່ນ. ໃນໄລຍະເດືອນຕຸລາ 2017, ລູກ-ເມຍ ຕ່າງຄົນຕ່າງອອກໄປວຽກຂອງໃຜລາວ, ຍັງເຫຼືອແຕ່ລູກສາວກົກຢູ່ເຮືອນກັບຕົນ. ພໍຮອດຕອນ ສວາຍຂອງມື້ເກີດເຫດ, ລູກສາວ ຊື່ ນາງ ຫຼ້າ (ນາມສົມມຸດ) ໄດ້ນອນຫຼັບຢູ່ເຮືອນ, ໃນລະຫວ່າງນັ້ນຕົນເອງຫຼຽວ ເຫັນລູກສາວນອນຫຼັບຢູ່ ຈຶ່ງເກີດມີອາລົມທາງເພດ ແລ້ວຍ່າງເຂົ້າໄປນອນກອດລູກສາວທີ່ກໍາລັງນອນຫຼັບ; ເວລາ ນັ້ນ, ນາງ ຫຼ້າ ໄດ້ຮູ້ສຶກຕົວຂຶ້ນມາ ແຕ່ບໍ່ປາກ-ບໍ່ເວົ້າຫຍັງ ເມື່ອໄດ້ໂອກາດກໍ່ລົງມືທຳສຳເລົາຈົນສໍາເລັດ. ຈາກຄັ້ງ ທໍາອິດແລ້ວ, ກໍມີຄັ້ງທີ 2, ຄັ້ງທີ 3 ເລື້ອຍໆມາ, ຈົນທ້ອງ ຂອງລູກສາວໃຫຍ່ຂຶ້ນຜິດປົກກະຕິ, ຜູ້ເປັນເມຍ ແລະ ຍາດພີ່ນ້ອງ ຈຶ່ງສົງໄສແລ້ວຊັກຖາມ ນາງ ຫຼ້າ. ຈາກນັ້ນ, ນາງ ຫຼ້າ ຈຶ່ງໄດ້ເລົ່າຄວາມຈິງສູ່ແມ່ ແລະ ຍາດພີ່ນ້ອງຟັງ ແລ້ວຈຶ່ງເຂົ້າແຈ້ງ ຄວາມຕໍ່ອໍານາດການປົກຄອງບ້ານ ໄປແຈ້ງຕໍ່ເຈົ້າໜ້າທີ່ຕໍາຫຼວດ ເພື່ອຈັບຕົວຜູ້ເປັນພໍ່ມາດໍາ ເນີນຄະດີຕາມກົດໝາຍ.

ປັດຈຸບັນ, ຄະດີດັ່ງກ່າວ ເຈົ້າໜ້າທີ່ ປກສ ເມືອງປາກລາຍ ໄດ້ມອບຕົວຜູ້ຖືກຫາໃຫ້ກັບ ພະແນກຕໍາຫຼວດສືບ ສວນ-ສອບສວນຄະດີ ອາຍາ ປກສ ແຂວງໄຊຍະບູລີ ເພື່ອສະຫຼຸບສໍານວນຄະດີ ສົ່ງໃຫ້ໄອຍະການສັ່ງຟ້ອງສານ ຕັດສິນຕາມລະບຽບກົດໝາຍ.

ຂ່າວຈາກ: ໜັງສືພິມ ປກສ.

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...