ສຳນັກຂ່າວ AP ລາຍງານຈາກເມືອງຫລວງລອນດອນ, ປະເທດອັງກິດ ເມື່ອວັນທີ 27 ພຶດສະພາ ວ່າ ໂຄສົກສະຫນາມບິນລອນດອນ ສະແຕນສະເຕດ ລາຍງານຕໍ່ສີ່ມວນຊົນວ່າ ຟ້າຜ່າມື້ຄືນນີ້ ເຮັດໃຫ້ລະບົບເຕີມນໍ້າມັນເຊື້ອໄຟເຮືອບິນໃຊ້ການບໍ່ໄດ້ໄລຍະຫນື່ງ ໃນຊ່ວງເຊົ້າຂອງວັນອາທິດ, ລ່າສຸດທີມງານວິສາວະກອນສາມາດກູ້ລະບົບກັບຄືນມາໄດ້ແລ້ວ ແຕ່ຖ້ຽວບິນໂດຍສານເຂົ້າ-ອອກ ສະຫນາມບິນສະແຕນສະເຕດຫລາຍຖ້ຽວອາດຕ້ອງຖືກເລື່ອນເວລາເດີນທາງ, ຍົກເລີກ ຫລື ບິນໄປລົງທີ່ສະຫນາມບິນອື່ນແທນ.
ຜູ້ບໍລິຫານສາຍການບິນລາຄາປະຢັດ ໄລອັນ ແອຣ໌ ກ່າວວ່າ ບໍ່ສາມາດບອກໄດ້ວ່າມີຖ້ຽວບິນຂອງບໍລິສັດໃດແດ່ທີ່ໄດ້ຮັບຜົນກະທົບທີ່ສະຫນາມບິນສະແຕນສະເຕດ ແຕ່ບໍລິສັດພ້ອມທີ່ຈະຈ່າຍຄ່າປີ້ເຮືອບິນໂດຍສານແກ່ຜູ້ທີ່ຮ້ອງຂໍຄືນ.
ທາງດ້ານເຈົ້າຫນ້າທີ່ປະຈຳກົມອຸຕຸນິຍົມອັງກິດ, ຊາລີ ພາວເວລ໌ ເຜີຍວ່າຈາກຂໍ້ມູນທີ່ໄດ້ຮັບບົ່ງຊື້ວ່າ ເກີດຟ້າຜ່າປະມານ 15,000-20,000 ຄັ້ງ ທົ່ວສະຫະລາຊາອານາຈັກ ຕະຫລອດຄືນວັນເສົາທີ່ຜ່ານມາ.
ແຫລ່ງຂ່າວຕ່າງປະເທດ: TDN