spot_img
Homeຂ່າວຕ່າງປະເທດຍິວ-ປາເລສໄຕ໌ ປະທະເດືອດເປີດສະຖານທູດສະຫະລັດໃນເຢຣູຊາເລມ 

ຍິວ-ປາເລສໄຕ໌ ປະທະເດືອດເປີດສະຖານທູດສະຫະລັດໃນເຢຣູຊາເລມ 

Published on

ສຳນັກຂ່າວຕ່າງປະເທດລາຍງານຈາກເມືອງຊ່ານຢູນິສ ຊະນວນກາຊາ ເມື່ອວັນທີ 14 ພຶດສະພາ ວ່າເກີດເຫດການປະທະກັນຢ່າງດຸເດືອດຕະຫລອດແນວຊາຍແດນຊະນວນກາຊາ ແລະ ໃນເຂດເວສແບງ ລະຫວ່າງປະຊາຊົນປາເລສໄຕ໌ກັບເຈົ້າຫນ້າທີ່ກອງກຳລັງປ້ອງກັນອິດສະລາແອນ (IDF) ຕັ້ງແຕ່ຕອນເຊົ້າຂອງວັນຈັນຕາມເວລາທ້ອງຖີ່ນ ຊື່ງກົງກັບວັນຄົບຮອບ 70 ປີ ແຫ່ງການສະຖາປະນາລັດອິດສະລາແອນ ແລະ ໃນປີນີ້ສະຫະລັດໄດ້ຍ້າຍສະຖານເອກອັກຄະລັດຖະທູດຈາກເມືອງເທລອາວີຟ ມາຕັ້ງຢູ່ເມືອງເຢຣູຊາເລມ, ຫລັງປະທານາທບໍດີ ໂດນອລ ທຣໍ້າ ປະກາດເມື່ອເດືອນທັນວາ ປີທີ່ແລ້ວ ຮັບຮອງເອົາເຢຣູຊາເລມໃຫ້ເປັນເມືອງຫລວງຂອງອິດສະລາແອນແຫ່ງດຽວ.

 

ທັງ​ນີ້, ຂ​ໍ້​ມູນ​ຂອງ​ກະ​ຊວງ​ສາ​ທາ​ລະ​ນະ​ສຸກ​ປາເລສໄຕ໌ລະ​ບຸ​ຈຳ​ນວນ​ພົນ​ລະ​ເຮືອນ​ທີ່​ເສຍ​ຊີ​ວິດ​ຈາ​ກ​ການ​ປະ​ທະ​ກັບ​ເຈົ້າ​ຫນ້າ​ທີ່​ຂອງ​ IDF ຢ່າງຫນ້ອຍ 52 ຄົນ, ຫນື່ງໃນນັ້ນມີເດັກຊາຍອາຍຸ 14 ປີ ແລະ ຈຳນວນຜູ້ໄດ້ຮັບບາດເຈັບຫລາຍກວ່າ 2,000 ຄົນ ໂດຍມີແນວໂນ້ມຄວາມເສຍຫາຍທີ່ຈະເພີ່ມຂື້ນສູງອີກ ເນື່ອງຈາກສະຖານະການແມ່ນຮ້າຍແຮງຂື້ນເລື້ອຍໆນັບຕັ້ງແຕ່ພິທີເປີດສະຖານທູດຍັງບໍ່ທັນເລີ່ມຂື້ນ ແລະ ຄາດວ່າຈະເປັນແບບນີ້ໄປອີກ 2-3 ມື້. ດ້ານຜູ້ນຳສະຫະລັດແມ່ນບໍ່ໄດ້ເຂົ້າຮ່ວມພິທີເປີດ ແຕ່ສົ່ງຄະນະຜູ້ແທນລວມເຖີງລູກເຂຍ ແລະ ລູກສາວຂອງຕົນເຂົ້າຮ່ວມແທນ ໂດຍທຣໍ້າຈະຖະແຫລງການຜ່ານທາງລະບົບໂທທາງວີດີໂອ ແລະ ຍັງໄດ້ພິມຂໍ້ຄວາມຜ່ານທາງສື່ສັງຄົມອອນລາຍ Twitter ວ່າ ມື້ນີ້ເປັນວັນທີ່ຍີ່ງໃຫຍ່ສຳລັບອິດສະລາແອນ!

ຂະນະທີ່ເຄື່ອງບິນຂອງ IDF ໄດ້ກະຈາຍໃບປິວເຕືອນຜູ້ຄົນປາເລສໄຕ໌ໃນທັງສອງເຂດ ຊື່ງຖີກປີດອ້ອມໂດຍອິດສະລາແອນ ໃຫ້ຫລີກລ້ຽງການເຂົ້າໃກ້ຮົ້ວ ແລະ ເຄື່ອງກັ້ນ ແບ່ງເຂດແດນໃນໄລຍະນີ້ ເນື່ອງຈາກເຈົ້າຫນ້າທີ່ຝ່າຍຄວາມຫມັ້ນຄົງຈະໃຊ້ ມາດຕະການຂັ້ນເດັດຂາດ ເພື່ອຄວບຄຸມສະຖານະການ.

ໃນອີກດ້ານຫນື່ງ ຜູ້ນຳສູງສຸດຂອງກຸ່ມອັລ-ກໍອິດະ ອອກຖະແຫລງການເປັນວິດີໂອ ປຸກລະດົມໂລກມຸດສະລິມຮ່ວມກັນຕໍ່ຕ້ານສະຫະລັດ ທີ່ເປັນສັດຕູຫມາຍເລກຫນື່ງ ຕາມຄຳປະກາດຂອງ ໂອຊາມາ ບິນ ລາເດນ ໂດຍຂັບໄລ່ກຸ່ມຄົນທີ່ໄຮ້ຊື່ງຄວາມເຊື່ອໃຫ້ພົ້ນໄປຈາກດິນແດນອັນສັກສິດ.

 

 

ແຫລ່ງຂ່າວຕ່າງປະເທດ: TDN

ບົດຄວາມຫຼ້າສຸດ

ສະຫຼົດ! ບ້ານເສດຖີໃນກໍປູເຈຍ ແຈກອັງເປົາ ເປັນເຫດເຮັດໃຫ້ປະຊາຊົນຢຽບກັນຈົນເສຍຊີວິດ 4 ຄົນ

ສຳນັກຂ່າວຕ່າງປະເທດລາຍງານໃນເຊົ້າວັນທີ 23 ມັງກອນ 2025 ເກີດເຫດສະຫຼົດຂຶ້ນທີ່ປະເທດກໍປູເຈຍ ເມື່ອມີບ້ານເສດຖີຫຼັງໜຶ່ງ ໄດ້ເຮັດການແຈກອັງເປົາເພື່ອສະເຫຼີມສະຫຼອງວັນກຸດຈີນ ຈາກນັ້ນປະຊາຊົນຈຳນວນຫຼາຍຈຶ່ງໄດ້ແຫ່ພາກັນໄປບ້ານຫຼັງດັ່ງກ່າວ ເມື່ອຈຳນວນຄົນເພີ່ມຫຼາຍຂຶ້ນເຮັດໃຫ້ ບາງຄົນເປັນລົມ ຈຶ່ງເກີດເປັນເຫດເຮັດໃຫ້ຄົນຢຽບກັນເສຍຊີວິດ 4 ຄົນ ແລະ...

ສະກັດກັ້ນນາຍໜ້າຄ້າມະນຸດ ຢູ່ສະໜາມບິນສາກົນວັດໄຕ

ໃນວັນທີ 13 ມັງກອນ 2025 ຜ່ານມາ, ກົມຕໍາຫຼວດສະກັດກັ້ນ ແລະ ຕ້ານການຄ້າມະນຸດ ໄດ້ຮັບແຈ້ງຈາກກົມຕໍາຫຼວດກວດຄົນເຂົ້າ-ອອກເມືອງ ກົມໃຫຍ່ສັນຕິບານ ກະຊວງປ້ອງກັນຄວາມສະຫງົບ ທີ່ປະຈຳຢູ່ດ່ານ ຕມ ສະໜາມບິນສາກົນວັດໄຕ...

ເຈົ້າໜ້າທີ່ຕຳຫຼວດ ນຳສອງສ່ຽວໂຈນ ມາທົດສະກຳຄະດີລັກຊັບຄືນ

ວັນທີ 16 ມັງກອນ 2025 ຜ່ານມາ, ເຈົ້າໜ້າທີ່ ສືບສວນ-ສອບສວນ ປກສ ແຂວງ ບໍລິຄຳໄຊ ຮ່ວມກັບເຈົ້າໜ້າທີ່ວິຊາສະເພາະສືບສວນ-ສອບສວນ, ນິຕິວິທະຍາ, ກອງບັນຊາການ ປກສ...

ກັກຕົວເປົ້າໝາຍຄ້າຂາຍຢາເສບຕິດ ພ້ອມຂອງກາງຢາບ້າ ຈຳນວນ 60 ມັດ

ອີງຕາມການລາຍງານຂອງເຈົ້າໜ້າທີ່ພະແນກຕຳຫຼວດສະກັດກັນແລະຕ້ານຢາເສບຕິດ ປກສ ແຂວງຈຳປາສັກ ໃຫ້ຮູ້ວ່າ: ໃນເວລາ 12:00 ໂມງ ຂອງວັນທີ 10 ມັງກອນ 2025 ຜ່ານມາ, ເຈົ້າໜ້າທີ່ວິຊາສະເພາະ ໄດ້ລົງມ້າງຄະດີ...