ສຳນັກຂ່າວ AP ແລະ AFP ລາຍງານຈາກນະຄອນຫລວງປັກກີ່ງ, ປະເທດຈີນ ເມື່ອວັນທີ 8 ພຶດສະພາ ວ່າຄຳພິພາກສາຂອງສານປະຊາຊົນຫມາຍເລກ 1 ໃນເມືອງທຽນຈິນ ຮັດກຸມຕາມປະຕິບັດການ ການກວດລ້າງການທຸຈະລິດນໍແນວທາງນະໂຍບາຍຂອງປະທານາທິບໍດີ ສີ ຈີ້ນ ຜີງ, ຜູ້ນຳແຫ່ງ ສປ.ຈີນ ທີ່ມີເປົ້າຫມາຍເອົາຜິດຜູ້ກະທຳຜິດທຸກພາກສ່ວນ ແລະ ທຸກລະດັບ ບໍ່ວ່າ ເສືອລະດັບສູງ ຫລື ແມງໄມ້ລະດັບລຸ່ມ.
ເຈີ້ງໄສ ອາຍຸ 54ປີ ຖືກປົດອອກຈາກຕຳແຫນ່ງຜູ້ນຳນະຄອນຊົງສີງຢ່າງກະທັນຫັນອັນເນື່ອງມາຈາກການສໍ້ລາດບັງຫລວງ ທຸຈະລິດ ຮັບສິນບົນກວ່າ 229.500.000.000 ກີບ, ສານປະຊາຊົນມີຄຳຕັດສິນໃຫ້ຈຳຄຸກຕະຫລອດຊີວິດ ໂດຍບໍ່ມີການຢື່ນປະກັນຕົວ ແລະ ລັດຖະບານຈີນໄດ້ແຕ່ງຕັ້ງ ທ້າວ ເຊີນ ມິນເອີ ຄົນສະຫນິດຂອງປະທານ ສີ ຈີ້ນ ຜີງ ດຳລົງຕຳແຫນ່ງແທນໃນປະຈຸບັນ.
ຫລັງຮັບຄຳພິພາກສາ ເຈີ້ງໄສ ຍອມຮັບວ່າ ເຂົາຍອມຮັບຜິດ ແລະ ສຳນຶກຜິດໃນສີ່ງທີ່ເຮັດລົງໄປ ແລະ ຂໍຮັບໂທດໂດຍຈະບໍ່ຢື່ນອຸທອນຕັດສິນ.
ແຫລ່ງຂ່າວຕ່າງປະເທດ: TDN
ຮູບພາບອ້າງອີງຈາກ: AP
ວິດີໂອອ້າງອີງຈາກ: TRT World Now