spot_img
Homeຂ່າວຕ່າງປະເທດຮາວາຍອົບພະຍົບປະຊາຊົນ ເຫດພູເຂົາໄຟ 'ຄິລາເວ' ລະເບີດ

ຮາວາຍອົບພະຍົບປະຊາຊົນ ເຫດພູເຂົາໄຟ ‘ຄິລາເວ’ ລະເບີດ

Published on

ສຳນັກຂ່າວຕ່າງປະເທດລາຍງານຈາກເມືອງໂຮໂນລູລູ, ປະເທດສະຫະລັດອາເມລິກາ ເມື່ອວັນທີ 3 ພຶດສະພາ ວ່າສຳນັກງານປ້ອງກັນໄພພົນລະເຮືອນເຂດຮາວາຍອອກຖະແຫລງການເມື່ອວັນພະຫັດເພື່ອຂໍຄວາມຮ່ວມມືໃຫ້ປະຊາຊົນກວ່າ 10.000ຄົນ ທີ່ອາໄສຢູ່ເກາະຮາວາຍເກາະຂະຫນາດໃຫຍ່ທີ່ສຸດໃນຫມູ່ເກາະຮາວາຍ ອົບພະຍົບອອກຈາກເຄຫາສະຖານເປັນການຊົ່ວຄາວ, ເນື່ອງຈາກການລະເບີດຂອງພູເຂົາໄຟ ‘ຄິລາເວ’ Kilauea ໃນເມືອງປູອູໂອໂອ ຕັ້ງຢູ່ທາງຕາເວັນອອກສຽງໃຕ້ຂອງເກາະຮາວາຍ ທີ່ມີແນວໂນ້ມຈະເກີດວິກິດຮຸນແຮງ.

ຜູ້ວ່າການລັດຮາວາຍ, ເດວິດ ອິເກະ ສັ່ງໃຫ້ເຈົ້າຫນ້າທີ່ກອງກຳລັງພິເສດກຽມຄວາມພ້ອມຂັ້ນສູງສຸດເພື່ອຮັບມືກັບສະຖານະການດັ່ງກ່າວທີ່ອາດເກີດເຫດໄດ້ຕະຫລອດເວລາ ແລະ ຂໍຄວາມຮ່ວມມືໃຫ້ປະຊາຊົນຕິດຕາມຂ່າວສານຢ່າງໃກ້ຊິດ.

ສຳນັກງານສຳຫລວດທໍລະນີສາດຂອງສະຫະລັດ (USGS) ກວດພົບການເກີດແຜ່ນດິນໄຫວຮຸນແຮງ 5.0 ເມື່ອເວລາປະມານ 10.30 ນາທີ ຕາມເວລາທ້ອງຖີ່ນຂອງວັນພະຫັດ ແຮງສັ່ນສະເທືອນສົ່ງຜົນໃຫ້ມີເສດຫີນຈຳນວນຫນື່ງລະເບີດອອກມາຈາກປ່ອງພູເຂົາໄຟ ແລະຕົກລົງມາ ອີກທັງຍັງມີມັກມາໄຫລອອກມາຍາວເຖີງ 16 ກິໂລແມັດ.

ເຈົ້າຫນ້າທີ່ປ້ອງກັນໄພພົນລະເຮືອນຮາວາຍເຜີຍເມື່ອວັນອາທິດວ່າພູເຂົາໄຟເກີດຮອຍແຕກໃຫມ່ອີກສອງຮອຍ ແລະ ເມື່ອກວດເບີ່ງທາງອາກາດແມ່ນພົບເຫັນຮອຍແຕກທັງຫມົດ 21 ຮອຍແລ້ວ, ມີແນວໂນ້ມວ່າຈະມີມັກມາໄຫລອອກມາຕາມຮອຍແຕກໃຫມ່ ແຕ່ບໍ່ສາມາດບອກທິດທາງການໄຫລໄດ້ ສ່ວນເມື່ອວັນສຸກແມ່ນເກີດເຫດແຜ່ນດິນໄຫວຂະຫນາດ 6.9 ຮຸນແຮງທີ່ສຸດໃນຮອບ 40 ປີ, ຫລັງຈາກນັ້ນກໍຍັງມີ Aftershock ຫລື ແຜ່ນດິນໄຫວເກີດຂື້ນອີກຫລາຍຮ້ອຍຄັ້ງຕາມມາ.

ນັກທໍລະນີວິທະຍາເຜີຍວ່າ ມັກມາທີ່ໄຫລຢູ່ໃນພູເຂົາໄຟເຮັດໃຫ້ເກີດແຜ່ນດິນໄຫວ ເຈົ້າຫນ້າທີ່ເຕືອນປະຊາຊົນໃຫ້ລະວັງກ໊າສກຳມະຖັນທີ່ສົ່ງອອກມາຕາມຮອຍແຕກພູເຂົາໄຟເພາະເປັນອັນຕະລາຍຕໍ່ສຸຂະພາບ ໂດຍສະເພາະຄົນຊະລາ ແລະຜູ້ມີບັນຫາກ່ຽວກັບລະບົບທາງເດີນຫາຍໃຈ.

ສຳລັບພູເຂົາໄຟຄິລາເວມີຄວາມສູງ 4.091ແມັດ ເປັນພູເຂົາໄຟ 1 ໃນ 5ລູກທີ່ຕັ້ງຢູ່ເທີງເກາະຮາວາຍ ແລະເປັນພູເຂົາໄຟທີ່ຍັງມີພະລັງງານຢູ່ ໂດຍກ່ອນຫນ້ານີ້ເຄີຍເກີດເຫດປະທຸຢ່າງຮຸນແຮງເມື່ອເດືອນ ມີນາ 1983.

 

 

 

 

ແຫລ່ງຂ່າວຕ່າງປະເທດ: TNA,TDN

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...