ພາຍຫລັງ ໄດ້ລົງຕິດຕາມກວດກາເບິ່ງສະພາບຕົວຈິງບັນດາຈຸດສຳຄັນ ປ່ອງໄຫລ່ຂອງນ້ຳທີ່ລະບາຍຈາກຕົວເມືອງ

ລົງສູ່ບຶງທາດຫລວງເມື່ອທ້າຍອາທິດຜ່ານມານີ້, ທ່ານເຈົ້າຄອງນະຄອນຫລວງວຽງຈັນ ດຣ ສີນລະ ວົງຄຸດໄພທູນ, ໄດ້

ສັ່ງໃຫ້ພາກສ່ວນກ່ຽວຕ່າງໆເປັນຕົ້ນ: ພະແນກໂຍທາທິການ ແລະ ຂົນສົ່ງ, ອົງການພັດທະນາ ແລະ ບໍລິຫານຕົວ

ເມືອງ (ອພບ) ຮີບຮ້ອນສ້າງແຜນການຮັບມືນ້ຳຖ້ວມຂັງໃນຕົວເມືອງ. ໂດຍສະເພາະແບ່ງປັນເຂດຄວາມຮັບຜິດ

ຊອບໃຫ້ບັນດາເມືອງ ແລະ ບ້ານຮ່ວມກັນເປັນເຈົ້າການ ສ້າງຂະບວນການອານາໄມຮ່ອງລະບາຍນ້ຳ ແລະ ແຕ່ງຕັ້ງ

ຄະນະຮັບຜິດຊອບແກ້ໄຂນ້ຳຖ້ວມໃນຕົວເມືອງເຊັ່ນ: ການລ່ວງຜັກຕົບ ແລະ ສິ່ງເສດເຫລືອອອກຈາກຄອງບຶງທາດ

ຫລວງມອບໃຫ້ພະແນກກະສິກຳ-ປ່າໄມ້ ເປັນຜູ້ຈັດຕັ້ງປະຕິບັດ, ສ່ວນຢູ່ຕາມຮ່ອງລະບາຍນ້ຳສາຍໃຫຍ່ໃນຕົວເມືອງ

ແມ່ນມອບໃຫ້ອົງການພັດທະນາ ແລະ ບໍລິຫານຕົວເມືອງຈັດຕັ້ງປະຕິບັດ ແລະ ພະແນກໂຍທາທິການ ແລະ ຂົນສົ່ງ

ຮັບຜິດຊອບການອະນາໄມຮ່ອງລະບາຍນ້ຳແຄມທາງ ທີ່ພາໃຫ້ເສັ້ນທາງເກີດການຊຸດໂຊມເປ່ເພ, ພ້ອມກັນນັ້ນ, ຕ້ອງ

ໄດ້ກຳນົດໃຫ້ມີເຂດສະຫງວນບຶງ ແລະ ຮ່ອລະບາຍນ້ຳທຳມະຊາດ ເພື່ອເປັນບ່ອນເກັບນ້ຳ ແລະ ລະບາຍນ້ຳອອກຈາກ

ຕົວເມືອງ.

ການລົງຕິດຕາມເບິ່ງສະພາບບຶງທາດຫລວງຂອງເຈົ້າຄອງນະຄອນຫລວງຄັ້ງນີ້, ແມ່ນພາຍຫລັງສຳເລັດກອງປະຊຸມ

ປືກສາຫາລືການສະກັດກັ້ນ ແລະ ແກ້ໄຂນ້ຳຖ້ວມຢູ່ນະຄອນຫລວງວຽງຈັນ, ເນື່ອງຈາກບັນຫາ ນ້ຳຖ້ວມອັ່ງໃນຕົວ

ເມືອງ ໄດ້ເປັນບັນຫາຊຳເຮື້ອມາດົນນານ ແລະ ນັບມື້ໜັກໜ່ວງຂຶ້ນເລື້ອຍໆ, ໂດຍສະເພາະນັບແຕ່ທ້າຍເດືອນສິງຫາ

ຕໍ່ໃສ່ຕົ້ນເດືອນກັນຍານີ້, ມີສະພາບນ້ຳຖ້ວມຂັງເປັນບໍລິເວນກວ້າງຢູ່ຫລາຍເຂດໃນຕົວເມືອງ ທີ່ເກີດຈາກສະພາບຝົນ

ຕົກແຮງ, ແຕ່ນ້ຳພັດບໍ່ໄຫລລົງສູ່ຄອງລະບາຍໄດ້ທັນ, ຍ້ອນຄອງລະບາຍຕາມແຄມທາງຫລາຍສາຍອຸດຕັນ, ເຮັດໃຫ້

ນ້ຳໄຫລບໍ່ເຊື່ອມກັນຈາກຮ່ອງລະບາຍນ້ຳແຄມທາງຮ່ອມ ຫາສາຍທາງຫລັກ ແລະ ລົງສູ່ບຶງທາດຫລວງໄດ້ສະດວກ, ຈຶ່ງ

ເຮັດໃຫ້ນ້ຳຍຶ່ງສູງຂຶ້ນໄວ ແລະ ໄຫລເຂົ້າຖ້ວມເຮືອນຊານບ້ານຊ່ອງຂອງປະຊາຊົນ, ສ້າງຄວາມເສຍຫາຍຕໍ່ຊັບສິນ, ການ

ສັນຈອນບົນທ້ອງຖະໜົນມີຄວາມຫຍຸ້ງຍາກເປັນອຳມະພາດ ແລະ ສ້າງຄວາມເດືອດຮ້ອນຕໍ່ການດຳລົງຊີວິດຂອງສັງ

ຄົມນຳອີກ.

ແຫຼ່ງຂ່າວ: ລາວພັດທະນາ