ສຳນັກຂ່າວ AP ລາຍງານຈາກເມືອງ ເມລເບີນ, ປະເທດອົດສະຕາລີ ເມື່ອວັນທີ 29 ເມສາ ວ່າ ຫນ່ວຍກູ້ໄພສຸກເສີນລັດວິກຕໍເລຍ ໄດ້ຮັບແຈ້ງເຫດເມື່ອເວລາປະມານ 15.00 ໂມງ ຂອງວັນເສົາ ທີ 28 ເມສາ ສົງໃສມີແກ໊ສຮົ່ວພາຍໃນອາຄານຫ້ອງສະຫມຸດຂອງສະຖາບັນເຕັກໂນໂລຊີ ຣໍໂຢລ ເມລເບີນ ຫລື RMIT ທາງພາກຕາເວັນອອກສຽງໃຕ້ຂອງອົດສະຕາລີ. ທີມຜູ້ຊ່ຽວຊານໄດ້ກວດເຂົ້າຄົ້ນຈຸດທີ່ກີ່ນສົ່ງອາຍອອກມາແຮງສຸດ ກ່ອນຈະໄປພົບກັບຫມາກທຸລຽນສຸກເຕັມທີ່ໃກ້ເນົ່າ ພາຍໃນຕູ້ເກັບແຟ້ມເອກະສານ ໂດຍລະຫວ່າງການກວດສອບ ໄດ້ມີການອົບພະຍົບນັກສຶກສາ, ອາຈານ ແລະ ເຈົ້າຫນ້າທີ່ປະຈຳຫໍສະຫມຸດປະມານ 600 ຄົນອອກຈາກອາຄານ.
ໂຄສົກສຳນັກງານດັບເພີງລັດວິກຕໍເລຍເຜີຍວ່າ ກີ່ນທຸລຽນກະຈາຍໄປທົ່ວອາຄານຜ່ານທາງເຄື່ອງປັບອາກາດ. ນີ້ກໍເປັນເຫດເຮັດໃຫ້ຫລາຍໆປະເທດບໍ່ນຳເຂົ້າຫມາກໄມ້ປະເພດດັ່ງກ່າວ ເນື່ອງຈາກເປັນຫມາກໄມ້ເຂດຮ້ອນທີ່ມີກີ່ນຮຸນແຮງ.
https://www.facebook.com/7NewsMelbourne/videos/10156540273859301/
ແຫລ່ງຂ່າວຕ່າງປະເທດ: TDN