ສຳນັກຂ່າວຕ່າງປະເທດລາຍງານຈາກເມືອງຫລວງແອຣເຈຍຣ໌, ປະເທດອານເຊຣີ ເມື່ອວັນທີ 11 ເມສາ ວ່າເຮືອບິນອິລຢູຊິນ ອິລ-76 ຂອງກອງທັບອານເຊຣີຕົກ ຫລັງຈາກບິນຂື້ນຈາກສະຫນາມບິນໃນຖານທັບບູຟາຣິດ ປະມານ 30 ກິໂລແມັດ. ທາງຕາເວັນຕົກສຽງໃຕ້ຂອງເມືອງແອຣເຈຍຣ໌ ໂດຍເຄື່ອງບິນອອກເດີນທາງໄປສູ່ຖານທັບໃນເມືອງເບຊາຣ໌ ທາງພາກຕາເວັນຕົກສຽງໃຕ້ຂອງປະເທດ ແຕ່ຈະຈອດພັກທີ່ເມືອງທິນດູຟ ທາງພາກໃຕ້.
ຫົວຫນ້າໂຄສົກສຳນັກງານປ້ອງກັນພົນລະເຮືອນອານເຊຣີ, ໂມຮັມມັດ ອາຊູຣ໌ ເຜີຍວ່າ ເຄື່ອງບິນລຳດັ່ງກ່າວແມ່ນນຳສົ່ງທະຫານ ແລະ ສະມາຊິກໃນຄອບຄົວ.
ລາຍງານເບື້ອງຕົ້ນລະບຸວ່າມີຜູ້ເສຍຊີວິດ 257 ຄົນ ປະກອບດ້ວຍທະຫານ ແລະ ຄອບຄົວ 247 ຄົນ, ນັກບິນ ແລະ ລູກເຮືອ 10 ຄົນ ສ່ວນສາເຫດແມ່ນຍັງບໍ່ຮູ້ແນ່ຊັດ ທາງການແມ່ນກຳລັງເລັ່ງສືບສວນ-ສອບສວນຫາຕົ້ນປາຍສາເຫດດັ່ງກ່າວ.
ຮູບຈາກໂທລະພາບທ້ອງຖີ່ນທີ່ສະແດງໃຫ້ເຫັນຄວັນໄຟສີດຳລຸກເຜົາໄຫມ້ບໍລິເວນໃກ້ຫົນທາງ ຂະນະທີ່ເຈົ້າຫນ້າທີ່ຫນ່ວຍກູ້ໄພ ແລະ ອາສາສະຫມັກ ຫຸ້ມອ້ອມຮອບຢູ່ໃກ້ຈຸດທີ່ເຮືອບິນຕົກ ຊື່ງເປັນພື້ນທີ່ກະສິກຳ ບໍ່ມີປະຊາຊົນອາໄສຢູ່ ແລະ ຍັງເຫັນສີ້ນສ່ວນເຮືອບິນທີ່ຕິດຄ້າງຢູ່ຕົ້ນຫມາກຮຸ່ງອີກດ້ວຍ.
ອິລ-76 ເປັນທັງເຮືອບິນຂົນສົ່ງ ແລະ ເຮືອບິນການຄ້າ ຖືກອອກແບບໃນຍຸກສະຫະພາບໂຊຫວຽດ ແລະ ເລີ່ມຜະລິດໃນຊ່ວງຄິສທົດສະວັດ 1970 ຕາມປົກກະຕິບັນທຸກຜູ້ໂດຍສານໄດ້ປະມານ 120 ຄົນ.
ແຫລ່ງຂ່າວຕ່າງປະເທດ: TDN
ວິດີໂອປະກອບ: BCC News