ສື່ສັງຄົມອອນລາຍພາກັນແຊຣ໌ຮູບພາບແຜ່ນດິນແຕກແຫງຍາວຫລາຍກິໂລແມັດໃນປະເທດເຄນຢາມີຄວາມກ້ວາງ 19.81200m ແລະ ເລຶກລົງໄປ 15.24000m ໃນບໍລິເວນພູເຂົາຂອງເຄນຢາ ຮອຍແຕກດັ່ງກ່າວຍັງຄົງແຕກຍາວອອກເລື້ອຍໆ ສົ່ງຜົນເຮັດໃຫ້ຖະຫນົນຫົນທາງຫລາຍສາຍ ແລະ ພື້ນທີ່ກະສິກຳໄດ້ຮັບຜົນກະທົບຢ່າງຫນັກ, ຂະນະທີ່ນັກວິທະຍາສາດເຊື່ອວ່ານີ້ອາດເປັນສັນຍານບົ່ງບອກເຖີງແຜ່ນເປືອກໂລກອາຟລິກາກຳລັງແຍກອອກເປັນສອງສ່ວນ.
ສ່ວນສາເຫດທີ່ເຮັດໃຫ້ເກີດປະກົດການດັ່ງກ່າວທີ່ເຮັດໃຫ້ແຜ່ນດິນແຍກອອກກວ້າງຂະຫນາດນີ້ ນັກວິທະຍາສາດບາງຄົນກໍເຊື່ອວ່າເກີດຈາກພາຍຸລົມຝົນທີ່ຕົກລົງມາຢ່າງຫນັກເຮັດໃຫ້ມວນສານຂອງນໍ້າກັດເຊາະຫນ້າດິນ ແລະ ຫລາຍຄົນກໍເຊື່ອວ່ານີ້ແມ່ນສັນຍານທາງທຳມະຊາດທີ່ບົ່ງຊີ້ວ່າແຜ່ນເປືອກໂລກອາຟລິກາກຳລັງຄ່ອຍໆແຍກອອກເປັນສອງສ່ວນ ແຕ່ກວ່າຈະແຍກອອກເປັນສອງແຜ່ນແທ້ນັ້ນຕ້ອງໃຊ້ເວລາຍາວນານເຖີງ 50ລ້ານປີ ຫລື ຫນ້ອຍກວ່ານັ້ນ.
ແຫລ່ງຂ່າວຕ່າງປະເທດ: CHT