ເມື່ອວັນທີ 19 ມີນາ 2018 ເອເອຟພີລາຍງານວ່າ ທ່ານ ສີຈິ້ນ ຜິງ ປະທານາທິບໍດີຈີນ ຕໍ່ສາຍສະແດງຄວາມຍິນດີກັບໄຊຊະນະຂອງ ປູຕິນ ໄດ້ຮັບເລືອກໃຫ້ເປັນປະທານາທິບໍດີຣັດເຊຍເປັນສະໄໝທີ 4

ທ່ານ ສີ ກ່າວວ່າ ຄວາມສຳພັນຫຸ້ນສ່ວນຍຸດທະສາດອັນຮອບດ້ານລະຫວ່າງຈີນ – ຣັດເຊຍຢູ່ໃນຊ່ວງທີ່ດີທີ່ສຸດເທົ່າທີ່ເຄີຍມີມາ ຮູບແບບຄວາມສຳພັນເປັນຕົວຢ່າງທີ່ດີໃນການເຄົາລົບເຊິ່ງກັນ ແລະ ກັນມີຄວາມເປັນທຳ ຮ່ວມມືເພື່ອຜົນປະໂຫຍດຂອງທັງສອງຝ່າຍ ຈີນເຕັມໃຈເຮັດວຽກຮ່ວມກັບຣັດເຊຍເພື່ອສົ່ງເສີມຄວາມສຳພັນຈີນ – ຣັດເຊຍສູ່ລະດັບທີ່ສູງຂຶ້ນ ຈັດຫາພະລັງງານເຄື່ອນທີ່ເພື່ອການພັດທະນາຂອງສອງຊາດ ແລະ ສົ່ງເສີມສັນຕິພາບ ແລະ ຄວາມສະຫງົບສຸກຂອງພູມິພາກ ແລະ ໂລກ

ທ່ານ ປູຕິນ ກ່າວຄືກັນວ່າຄວາມສຳພັນລະຫວ່າງຣັດເຊຍ – ຈີນ ຢູ່ໃນລະດັບສູງສຸດຢ່າງທີ່ບໍ່ເຄີຍເກີດຂຶ້ນມາກ່ອນ ເຊິ່ງເກີດມາຈາກການຜັກດັນສ່ວນຕົວຂອງປະທານາທິບໍດີສີ ຈິ່ງຍິນດີຫຼານທີ່ຈະໄດ້ພົບປະຫາລືກັນອີກຄັ້ງ ດ້ວຍຄວາມເຊື່ອວ່າ ຄວາມພະຍາຍາມຮ່ວມຂອງທັງສອງຝ່າຍຈະເຮັດໃຫ້ຫຸ້ນສ່ວນຄວາມຮ່ວມມືດ້ານຍຸດທະສາດລະຫວ່າງຣັດເຊຍ ແລະ ຈີນ ເຂັ້ມແຂງຂຶ້ນ