spot_img
Homeຂ່າວຕ່າງປະເທດຜູ້ຊ່ຽວຊານອົດສະຕາລີຊ່ວຍຊີ້ຈຸດຄົ້ນຫາໃຫມ່ສາຍການບິນມາເລເຊຍແອລາຍ ຖ້ຽວບິນ MH370

ຜູ້ຊ່ຽວຊານອົດສະຕາລີຊ່ວຍຊີ້ຈຸດຄົ້ນຫາໃຫມ່ສາຍການບິນມາເລເຊຍແອລາຍ ຖ້ຽວບິນ MH370

Published on

ເດວິດ ກີຟຟີນ, ນັກວິທະຍາສາດທາງທະເລ ຂອງອົງການວິໄຈວິທະຍາສາດ ແລະ ອຸດສາຫະກໍາເຄື່ອງຈັກອົດສະຕາລີ ສະແດງຄວາມຫວັງວ່າ ເຮືອຄົ້ນຫາ ໂອຊຽນອິນຟີນີຕີ້ ຂອງບໍລິສັດສຳຫລວດ ຈະພົບຮ່າງເຮືອບິນພາຍໃນເດືອນທຳອິດຂອງການຄົ້ນຫາເຊີ່ງເລີ່ມຂື້ນເມື່ອວັນຈັນທີ່ຜ່ານມານີ້.

ທາງການຂອງມາເລເຊຍໃຫ້ກຳນົດເວລາໃນການຄົ້ນຫາດົນເຖິງ 3 ເດືອນ ເຊີ່ງໄດ້ເຮັດຂໍ້ຕົກລົງສັນຍາຮ່ວມກັນວ່າຈະຈ່າຍຄ່າຈ້າງສູງສຸດເຖີງ 70 ລ້ານໂດລາສະຫະລັດ (ປະມານ 579ຕື້ກີບ) ເມື່ອພົບຮ່າງເຮືອບິນ ຫລື ກ່ອງດຳຂອງເຮືອບິນໂບອີ້ງ 777 ທີ່ພາຜູ້ໂດຍສານ ແລະ ລູກເຮືອຫາຍໄປເປັນຈຳນວນ 239 ຊີວິດ ຕັ້ງແຕ່ວັນທີ 8 ມີນາ 2015.

ເດວິດ ກີຟຟີນ ແລະ ຄະນະຜູ້ຊ່ຽວຊານວິເຄາະແບບຈຳລອງກະແສນໍ້າພັດພາຮ່າງເຮືອບິນ 3 ຮ່າງທີ່ໄດ້ຮັບການຢືນຢັນວ່າເປັນ MH370 ແລ້ວ, ໂດຍເລີ່ມຈາກໃນນ່ານນໍ້າທີ່ຢູ່ຫ່າງໄປຈາກເມືອງເພີກທ໌ ຂອງອົດສະຕາລີໄປທາງຕາເວັນຕົກຂ່ອນຕາເວັນຕົກສຽງໃຕ້ 2,000 ກິໂລແມັດ ແລະ ຂື້ນໄປທາງເຫນືອຈາກພື້ນທີ່ການຄົ້ນຫາຄັ້ງລ່າສຸດ ທີ່ຍຸດຕິລົງເດືອນມັງກອນ ຫລັງຈາກທີ່ບໍ່ພົບຄວາມຄືບຫນ້້າໃດໆ ຕະຫລອດການຄົ້ນຫາທົ່ວນ່ານນໍ້າ 120,000 ຕາລາງກິໂລແມັດ ດົນເປັນເວລາ 28 ເດືອນ.

ເຮືອຄົ້ນຫາໃຕ້ນໍ້າຊີເບດ ຄອນສະຕັກເຕີີ ມີເຄື່ອງມືໃນການຄົ້ນຫາໂດຣນອັດຕະໂນມັດເຖີງ 8 ໂຕ ຕິດເຄື່ອງສົ່ງສຽງສະທ້ອນໃຕ້ນໍ້າ ຫລື ໂຊນາ ແລະ ກ້ອງທີ່ສາມາດສຳຫລວດນໍ້າເລຶກໄດ້ສູງສຸດເຖີງ 6,000 ແມັດ ເຄື່ອນທີ່ໄດ້ 360ອົງສາ ແລະ ບໍ່ມີສາຍຕິດໂຕກ້ອງຄືໂດຣນ ທີ່ໃຊ້ໃນການຄົ້ນຫາໃນຄັ້ງກ່ອນ ຈື່ງຄິດວ່າຫນ້າຈະເກັບຂໍ້ມູນໃຕ້ນໍ້າໄດ້ລະອຽດຂື້ນ ແລະ ໄວຂື້ນ.

ນອກຈາກນີ້ ທາງດ້ານ ກີຟຟີນ ໄດ້ແຈ້ງເພີ່ມຕື່ມອີກວ່າ ຖ້າເປັນຮ່າງໃຫຍ່ໆ ເຊັ່ນ ເຄື່ອງຍົນ ແມ່ນອາດຈະຢູ່ໃນຈຸດທີ່ຊອກເຫັນຍາກ ຫລື ຖືກຝັງເລືກລົງໄປໃຕ້ທ້ອງທະເລ.

ແຫລ່ງຂ່າວຕ່າງປະເທດ TNA

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...