ກອງທັບອິດສະລາແອນ ແນະນຳສື່ອຂ່າວໄປເບີ່ງອຸໂມງທີ່ກຸ່ມຕິດອາວຸດ ຮາມາສ ຂອງປາເລສໄຕ ໃຊ້ມຸດລອດເຂົ້າມາໂຈມຕີ ອິດສະລາແອ, ຖືວ່າເປັນຄັ້ງທຳອິດທີ່ອິດສະລາແອນເປີດເຜີຍອຸໂມງໃຕ້ດິນແຫ່ງນີ້ໃຫ້ຮັບຮູ້, ເປັນຫນື່ງໃນສາມອຸໂມງ ທີ່ກອງທັບອິດສະລາແອນທຳລາຍໄປ 2ເດືອນທີ່ຜ່ານມາ ໂດຍອຸໂມງແຫ່ງນີ້ມີຄວາມຍາວທັງຫມົດ 2 ກິໂລແມັດ ເລິກລົງໄປໃຕ້ດິນປະມານ 6 ແມັດ, ນອກຈາກຈະໃຊ້ເປັນເສັ້ນທາງໂຈມຕີອິດສະລາແອນແລ້ວ ອຸໂມງແຫ່ງນີ້ຍັງໃຊ້ເປັນເສັ້ນທາງລັກລອບຄ້າມະນຸດ ແລະ ອາວຸດເຖື່ອນອີກດ້ວຍ.
ອິດສະລາແອນໄດ້ພະຍາຍາມແກ້ໄຂບັນຫາດ້ວຍການສ້າງແນວກຳແພງໃຕ້ດິນບໍລິເວນພົມແດນທີ່ຕິດກັບປາເລສໄຕ, ທາງກອງທັບອິດສະລາແອນ ລະບຸວ່າແນວກຳແພງຄອນກີດໃຕ້ດິນແມ່ນໄດ້ຕິດຕັ້ງເຊັນເຊີ້ ແລະ ນຳແຜ່ນເຫລັກປິດທັບໄວ້ຢ່າງຫນາແຫນ້ນເຮັດໃຫ້ກຸ່ມຕິດອາວຸດຮາມາສຍາກທີ່ຈະຂຸດເຈາະເຂົ້າມາເຂດດັ່ງກ່າວ, ຢ່າງໃດກໍຕາມກອງທັບອິດສະລາແອນຍອມຮັບວ່າ ຮາມາສ ຍັງຄົງເປັນໄພຄຸກຄາມຕໍ່ອິດສະລາແອນ ເພາະມີຈະຫລວດທີ່ສາມາດຍິງຖະຫລົ່ມເມືອງຕ່າງໆຂອງອິດສະລາແອນອີກທັງກູ່ມຕິດອາວຸດຮາມາສຍັງຄົງພະຍາຍາມສືບຕໍ່ສັງຫານພົນລະເຮືອນຊອງອິດສະລາແອນ ບໍ່ວ່າຈະດ້ວຍວິທີໃດກໍຕາມ.
ແຫລ່ງຂ່າວຕ່າງປະເທດ TNA