spot_img
Homeຂ່າວທ້ອງຖິ່ນລາຍລະອຽດພິທີສະຫຼອງອານຸສາວະລີ ເຈົ້າອານຸວົງ ຄົບຮອບ 7 ປີ (10-12 ພະຈິກ 2017)

ລາຍລະອຽດພິທີສະຫຼອງອານຸສາວະລີ ເຈົ້າອານຸວົງ ຄົບຮອບ 7 ປີ (10-12 ພະຈິກ 2017)

Published on

ເນື່ອງໃນໂອກາດ ສະຫຼອງວັນປະດິດສະຖານ ອານຸສອນ ເຈົ້າອານຸວົງ ຄົບຮອບ 7 ປີ ວັນທີ 2/11/2010 – 2/11/2017

ອົງການປົກຄອງ ເມືອງຈັນທະບູລີ ພ້ອມດ້ວຍອົງການ ອພສ ເມືອງຈັນທະບູລີ, ອພສ ນະຄອນຫຼວງວຽງຈັນ, ປະຊາຊົນທຸກຊັ້ນຄົນຕ່າງໆ ແລະ ຄະນະ ສວນເຈົ້າອານຸວົງ ຈະໄດ້ຈັດງານສະເຫຼີມສະຫຼອງ ວັນປະດິດສະຖານ ອານຸສາວະລີ ເຈົ້າອານຸວົງ ຄົບຮອບ 7 ປີ ແລະ ຕັ້ງກອງອັດຖະ ເພື່ອ ອຸທິດ ໃຫ້ແກ່ດວງວິນຍານ ຂອງ ເຈົ້າອານຸວົງ, ບັນດາທ່ານ, ບັນພະບູລຸດ ຜູ່ນໍາພັກລັດ ຂອງລາວ.

ພິທິດັ່ງກ່າວຈະໄດ້ຈັດຂຶ້ນ ທີ່ສວນເຈົ້າອານຸວົງ ເມືອງຈັນທະບູລີ, ນະຄອນນຫຼວງວຽງຈັນ ເຊິ່ງມີລາຍລະອຽດດັ່ງນີ້.

ວັນສຸກທີ 10 ພະຈິກ 2017: ເປັນມືຫ້າງຫາກະກຽມ

ວັນເສົາທີ 11​ ພະຈິກ 2017: ກົງກັບ  ມື້ແຮມ 8 ຄໍ່າ ເດືອນ 12 ພສ 2560 ເປັນມື້ຕັ້ງກອງບຸນ ແລະ ຫ້າງຫາກະກຽມເຄື່ອງ ສັງຄະທານຕ່າງໆ. ເວລາ 15:30 ໂມງ ແຫ່ອຸບປະຄຸດຕາມປະເພນີ.​ ຫຼັງຈາກນັ້ນ ເວລາ 17:00ໂມງ ມີພິທີສູດ ປະລິຕະມຸງຄຸນ. ຕອນຄໍ່າ ມີການຄົບງັນຕາມປະເພນີ. ຮັບການໂມທະນາທານ ແລະ ສົມທົບທຶນ ໃນການປະດັບປະດາ ຕິດແຜນຫີນສີລາ ແລະ ກໍ່ສ້າງແທ່ນ ລຶບພະສູນ

ວັນອາທິດທີ 12​ ພະຈິກ 2017: ກົງກັບ ມື້ ແຮມ 9 ຄໍ່າ ເດືອນ 12 ພສ 2560, ເວລາ 5:00 ໂມງເຊົ້າ ຈະໄດ້ມີການຖວາຍມຸງຄຸນ,​ ຈາກນັ້ນ ເວລາ 7:00​ໂມງ ຈະໄດ້ ມີການ ຕັກບາດ ຖວາຍສັງຄະທານ ແດ່ພຣະສົງ ລວມ 125​ ອົງ. ເວລາ 8:00​ ໂມງ ຖວາຍພັດຕະຫານ ແດ່ພຣະສົງ.

ດັ່ງນັ້ນ, ຈິ່ງແຈ້ງຂ່າວ ມາຍັງບັດາຜູ່ນຳພັກ-ລັດ, ການຈັດຕັ້ງທຸກຂັ້ນ, ຫົວໜ່ວຍທຸລະກິດ, ຫ້າງຮ້ານຕ່າງໆ ແລະ ປະຊາຊົນທຸກໆ ທ່ານທັງພາຍໃນ ແລະ ຕ່າງປະເທດ, ໂດຍສະເພາະ ຊາວນະຄອນຫຼວງວຽງຈັນ,​ຕ່າງແຂວງ ໄດ້ຮັບຊາບ ແລະ ສະຫຼະເວລາ ອັນມີຄ່າ ມາຮ່ວມສ້າງບຸນກຸສົນນຳພວກຂ້າພະເຈົ້າດ້ວຍ.

ຂໍອຳນາດ ແຫ່ງຄຸນພຣະລັດຕະນະໄຕ ແລະ ສິ່ງສັກສິດ ທັງຫຼາຍ ໃນສາກົນລະພິພົບ ຈົ່ງບັນດານ ປະທານພອນ ໃຫ້ແກ່ທ່ານພ້ອມດ້ວຍຄອບຄົວ ຈົ່ງເປັນຜູ່ຈະເລີນໄປດດ້ວຍຈະຕຸພິດທະພອນໄຊ ທັງ 4 ປະການ ຄື: ອາຍຸ ວັນນະ ສຸຂະ ພາລະ. ປະຕິພານ ທະນະສານ ສົມບັດຈົ່ງບັງເກີດ ແດ່ທ່າ່ນຕາມຄວາມປາດຖະໜາທຸກປະການດ້ວຍເທີ້ນ.

ໝາຍເຫດ: ຄະນະກຳມະການຈັດງານ ມີຄວາມຍິນດີ ແຈ້ງຂ່າວ ເຊີນຊວນ ບັນດາທ່ານທັງຫຼາຍ ປະກອບສ່ວນບໍລິຈາກ ອາຫານຕອນເຊົ້າ, ສວາຍ ແລະ ຄໍ່າ ຕາມສັດທາ ສຳລັບງ່ານ ວັນທີ 11 ພະຈິກ 2017 ແລະ ອາຫານຈັ່ງຫັນ ເຊົ້າວັນທີ 12 ພະຈິກ 2017. ພ້ອມທັງເຊີນຊວນ ຮ່ວມເປັນ ເຈົ້າສັດທາ ສ້າງແຜ່ນສີລາໃສ່ອານຸສາວະລີເຈົ້າອານຸວົງ. ພ້ອມກັນນີ້, ຖ້າທ່ານໃດ ປະສົງຈະຕັ້ງກອງບຸນແດ່ ເຈົ້າອານຸວົງ ກໍ່ຂໍເຊີນແຈ້ງເຈດຈຳນົງ ໃຫ້ຄະນະກຳມະການຈັດງານຮັບຊາບລ່ວງໜ້າ

ຕິດຕໍ່ພົວພັນໂທ: 02022277519, 020555502723, 02022215552

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...