spot_img
Homeຂ່າວພາຍ​ໃນສະພາຮັບຮອງເອົາກົດໝາຍ ວ່າດ້ວຍສັນຊາດລາວ ສະບັບປັບປຸງ.

ສະພາຮັບຮອງເອົາກົດໝາຍ ວ່າດ້ວຍສັນຊາດລາວ ສະບັບປັບປຸງ.

Published on

ໃນຕອນບ່າຍຂອງວັນທີ 1 ພະຈິກ 2017 ທ່ານ ໄຊສີ ສັນຕິວົງ, ລັດຖະມົນຕີກະຊວງຍຸຕິທຳ, ໄດ້ສະເໜີກ່ຽວກັບກົດໝາຍວ່າດ້ວຍສັນຊາດລາວສະບັບປັບປຸງ ຕໍ່ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII.

ໃນກົດໝາຍ ວ່າດ້ວຍສັນຊາດລາວສະບັບປີ 2004 ທີ່ເວົ້າເຖິງຂັ້ນຕອນສຸດທ້າຍໃນການຕົກລົງ ອະນຸມັດໃຫ້ສັນຊາດລາວ, ໃຫ້ສັນຊາດລາວຄືນ, ໃຫ້ເສຍສັນຊາດ, ໃຫ້ປະສັນຊາດ ແລະ ໃຫ້ຖອນສັນ ຊາດລາວຄືນ ແມ່ນສິດ ແລະ ໜ້າທີ່ຂອງຄະນະປະຈຳສະພາແຫ່ງຊາດ ເຊິ່ງບໍ່ສອດຄ່ອງກັບລັດຖະ ທຳມະນູນສະບັບເລກທີ 63/ສພຊ, ລົງວັນທີ, 8 ທັນວາ 2015.

ດ້ານການປັບປຸງ ແລະ ເພີ່ມເຂົ້າໃໝ່ໃນກົດໝາຍສະບັບນີ້ ແມ່ນເພິ່ນໄດ້ມີການປັບປຸງເງື່ອນ ໄຂການໄດ້ສັນຊາດລາວຂອງພົນລະເມືອງຕ່າງປະເທດ ຫຼື ຄົນບໍ່ມີສັນຊາດ, ປັບປຸງການຍື່ນ ແລະ ພິຈາລະນາຄຳຮ້ອງກ່ຽວກັບ ວຽກງານສັນຊາດ, ປັບປຸງການຕົກລົງກ່ຽວກັບສັນຊາດ, ການຈົດທະບຽນ ກ່ຽວກັບສັນຊາດ, ໂດຍໄດ້ ເພີ່ມໝວດເຂົ້າໃໝ່ຈຳນວນ 4 ໝວດຄື: ໝວດທີ 6 ຫາ ໝວດທີ 9 ເພື່ອ ໃຫ້ສອດຄ່ອງກັບເຕັກນິກຂອງການສ້າງນິຕິກຳ ແລະ ໂຄງປະກອບກົດໝາຍທີ່ສະພາແຫ່ງຊາດໄດ້ ຮັບຮອງໃນໄລຍະຜ່ານມາ.

ນອກນັ້ນ, ຍັງໄດ້ມີການປັບປຸງເນື້ອໃນ 11 ມາດຕາ ແຕ່ໂດຍລວມແມ່ນຍັງຮັກສາເນື້ອໃນເກົ່າ ແລະ ໄດ້ມີການເພີ່ມມາດຕາເຂົ້າໃໝ່ຈຳນວນ 23 ມາດຕາຄື: ມາດຕາ 3, 4, 5, 11, 12, 20, 33, 35 ຫາ 50 ສັງລວມແລ້ວກົດໝາຍວ່າດ້ວຍສັນຊາດລາວສະບັບປັບປຸງນີ້ປະກອບມີ 10 ໝວດ ແລະ 52 ມາດຕາ.

 

ແຫຼ່ງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...