ເອເອຟພີລາຍງານເມື່ອວັນທີ 24 ກັນຍາ 2017 ວ່າ ຊາວບ້ານອິນໂດເນເຊຍໜີໄພພູເຂົາໄຟອາກຸງເທິງເກາະບາຫຼີ ປະເທດອິນໂດເນເຊຍ ເພີ່ມຂຶ້ນກວ່າ 34,000 ຄົນແລ້ວ ຫຼື 3 ເທົ່າຈາກເມື່ອວັນສຸກທີ 22 ກັນຍາ 2017 ທີ່ຜ່ານມາ ເພາະລະດັບຄວາມຮຸນແຮງເພີ່ມຂຶ້ນ ເຮັດໃຫ້ເກີດຄວາມຢ້ານວ່າພູເຂົາໄຟລູກນີ້ອາດຈະລະເບີດຂຶ້ນເປັນຄັ້ງທຳອິດໃນຮອບ 50 ປີ
ສູນພູເຂົາໄຟວິທະຍາ ແລະ ການບັນເທົ່າໄພອັນຕະລາຍທາງພູມສາດຂອງອິນໂດເນເຊຍຊີ້ແຈງວ່າ ໃນວັນທີ 24 ກັນຍາ ຄວາມຖີ່ຂອງການສັ່ນສະເທືອນເກີດຂຶ້ນໜ້ອຍລົງແຕ່ຂະໜາດຄວາມແຮງນັ້ນໄດ້ແຮງຂຶ້ນກວ່າ ໃນຊ່ວງລະຫວ່າງທີ່ມີຄຳເຕືອນວ່າພູເຂົາໄຟອາດຈະລະເບີດໄດ້ທຸກເວລາ ໂດຍຂະບວນການອົບພະຍົບຍັງດຳເນີນຕໍ່ໄປ ແລະ ຄາດວ່າຈະມີຈຳນວນຜູ່ອົບພະຍົບເພີ່ມຂຶ້ນເລື້ອຍໆ