spot_img
Homeຂ່າວພາຍ​ໃນສະພານະຄອນຫຼວງ ຮັບຮອງຮ່າງກອງທຶນທາງປະຊາຊົນ

ສະພານະຄອນຫຼວງ ຮັບຮອງຮ່າງກອງທຶນທາງປະຊາຊົນ

Published on

ສະພານະຄອນຫຼວງ ຮັບຮອງຮ່າງກອງທຶນທາງປະຊາຊົນ, ພ້ອມປະຕິບັດຕົ້ນປີຫນ້າ ລົດເກັງ ເກັບ 5 ແສນກີບ(ຄວາມແຮງ2999ຊີຊີລົງມາ)

ໃນທ້າຍອາທິດຜ່ານມາ ກອງປະຊຸມສະໄໝສາມັນ ເທື່ອທີ 3 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ I  ໄດ້ຮັບຮອງຮ່າງ ຂໍ້ຕົກລົງ ວ່າດ້ວຍການສ້າງຕັ້ງກອງທຶນທາງປະຊາຊົນ ນະຄອນຫຼວງວຽງຈັນ ທີ່ສະເໜີໂດຍທ່ານ ເດດສົງຄາມ ທຳມະວົງ ຫົວໜ້າພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ.

ກອງທຶນທາງປະຊາຊົນນະຄອນຫຼວງ ຈະເລີ່ມການທົດລອງຈັດຕັ້ງປະຕິບັດຢ່າງເປັນທາງການໃນວັນທີ 1 ມັງກອນ 2018 ຮອດວັນທີ 31 ທັນວາ 2020 ໂດຍການເກັບເພີ່ມຄ່າບໍລິການມາດຕະຖານເຕັກນິກພາຫະນະ (ລົດ) ທຸກປະເພດປີລະ 1 ຄັ້ງ ທີ່ຂຶ້ນທະບຽນຢູ່ນະຄອນຫຼວງ ຫຼື ຂຶ້ນທະບຽນຢູ່ແຂວງອື່ນ ແຕ່ມາປະຈຳການ, ດຳເນີນທຸລະກິດ ຢູ່ນະຄອນຫຼວງວຽງຈັນ (ຍົກເວັ້ນສະເພາະລົດນັກການທູດ ແລະ ອົງການຈັດຕັ້ງສາກົນ).

ລາຍລະອຽດຄ່າທຳນຽມມີດັ່ງນີ້:
+ລົດບັນທຸກປະເພດ 18 ລໍ້ຂຶ້ນໄປເກັບ 1 ລ້ານກີບ
+ລົດບັນທຸກປະເພດ 12 ລໍ້ເກັບ 8 ແສນກີບ,
+ລົດບັນທຸກ 10 ລໍ້ ເກັບ 6 ແສນກີບ,
+ລົດບັນທຸກປະເພດ 6 ລໍ້ ເກັບ 5 ແສນກີບ,
+ລົດບັສປະເພດ 45 ບ່ອນນັ່ງຂຶ້ນໄປ ເກັບ 5 ແສນກີບ,
+ລົດບັສປະເພດ 25 ບ່ອນນັ່ງເກັບ 4 ແສນກີບ,
+ລົດຕູ້ໂດຍສານເກັບ 3 ແສນກີບ,
+ລົດແຕັກຊີເກັບ 3 ແສນ,
+ລົດສອງແຖວໃຫຍ່ເກັບ 3 ແສນກີບ,
+ລົດສອງແຖວນ້ອຍເກັບ 2 ແສນກີບ,
+ລົດກະບະ ລົດຕູ້ສ່ວນຕົວ ຄວາມແຮງສູງກວ່າ 3000 ຊີຊີຂຶ້ນໄປເກັບ 6 ແສນກີບ,
+ລົດກະບະ ລົດຕູ້ສ່ວນຕົວ ຄວາມແຮງແຕ່ 2999 ຊີຊີ ລົງມາເກັບ 5 ແສນກີບ,
+ລົດເກັງ ແລະ ລົດຈິບ ທຸກຊະນິດ ຄວາມແຮງສູງກວ່າ 3000 ຊີຊີ ຂຶ້ນໄປເກັບ 8 ແສນກີບ,
+ລົດເກັງ ແລະ ລົດຈິບ ທຸກຊະນິດ ຄວາມແຮງແຕ່ 2999 ຊີຊີ ລົງມາເກັບ 5 ແສນກີບ,
+ລົດສາມລໍ້ຕຸກໆ ແລະ ລົດຈຳໂບ້ເກັບ 120,000ກີບ,
+ລົດຈັກທຸກປະເພດ ຄວາມແຮງແຕ່ 109 ຊີຊີ ລົງມາເກັບ 50 ພັນກິີບ,
+ລົດຈັກທຸກປະເພດ ຄວາມແຮງສູງກວ່າ 110 ຊີຊີ ຂຶ້ນໄປເກັບ 120 ພັນກີບ.

ການນຳໃຊ້ເງິນກອງທຶນປະຊາຊົນນະຄອນຫຼວງວຽງຈັນແມ່ນ ຊຳລະໜີ້ສິນການກໍ່ສ້າງເສັ້ນທາງທີ່ນະຄອນຫຼວງ ແລະ ເມືອງຕົກລົງໃນເມື່ອກ່ອນ 25%; ກໍ່ສ້າງ, ສ້ອມແປງບູລະນະຮັກສາເສັ້ນທາງ 74% ເມືອງ ແລະ ບ້ານຄຸ້ມຄອງ (ບໍ່ກວມເອົາເສັ້ນທາງຫຼວງແຫ່ງຊາດ ໃນເຂດນະຄອນຫຼວງວຽງຈັນ ທີ່ສູນກາງຄຸ້ມຄອງ) ແລະ ໃຊ້ເຂົ້າໃນວຽກງານຄຸ້ມຄອງ-ບໍລິຫານກອງທຶນ ນະຄອນຫຼວງວຽງຈັນ 1%.

ວິທີການເກັບລາຍຮັບ ແລະ ການຖອນເງິນ ຫຼື ການໂອນເງິນເຂົ້າບັນຊີ ກອງທຶນທາງປະຊາຊົນນະຄອນຫຼວງ ໃຫ້ປະຕິບັດຕາມລະບຽບການສະເພາະ ຂອງແຕ່ລະປະເພດລາຍຮັບ, ເງິນລາຍຮັບຄ່າບໍລິການມາດຕະຖານເຕັກນິກ ພາຫະນະທັງໝົດທີ່ກ່າວມາຂ້າງເທິງນັ້ນ ແລະ ລາຍຮັບອື່ນໆ ລວມທັງດອກເບ້ຍຕ້ອງຖອກ ແລະ ໂອນເຂົ້າບັນຊີຂອງກອງທຶນທາງປະຊາຊົນນະຄອນຫຼວງ ທຸກໆທ້າຍເດືອນ, ການຈັດຕັ້ງປະຕິບັດເກັບລາຍຮັບແມ່ນຢູ່ ສູນກວດກາເຕັກນິກທຸກຈຸດກວດກາ ແລະ ຫ້ອງການ 9 ຕົວເມືອງເປັນຫຼັກ.

ແຫລ່ງຂ່າວ: ລາວອັບເດດ

ບົດຄວາມຫຼ້າສຸດ

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...

ກຳປູເຈຍ ເປີດນຳໃຊ້ສະໜາມບິນສາກົນເຕໂຊ ຢ່າງເປັນທາງການແລ້ວ

ເປີດນຳໃຊ້ຢ່າງເປັນທາງການແລ້ວ ສະໜາມບິນສາກົນເຕໂຊ ຂອງປະເທດກຳປູເຈຍ ມູນຄ່າ 1.5 ພັນລ້ານໂດລາ ພ້ອມກ້າວໜ້າສູ່ການເປັນສູນກາງການບິນ ແລະ ໂລຈິດຕິກແຫ່ງໃໝ່ຂອງໂລກ. ສຳນັກຂ່າວຕ່າງປະເທດລາຍາງນໃນວັນທີ 9 ກັນຍາ 2025 ນີ້, ກຳປູເຈຍໄດ້ມີການເປີດນຳໃຊ້ສະໜາມບິນສາກົນເຕໂຊ...