ສື່ທ້ອງຖິ່ນຂອງຈີນລາຍງານເມື່ອວັນທີ 18 ມິຖຸນາ 2017 ວ່າ ເກີດເຫດເຮືອບິນຂອງສາຍການບິນ ໄຊນາອິສເທຣິນ ທ້ຽວບິນເອັມຍູ 774 ເດີນທາງຈາກປາຣີສ ປະເທດ ຝຣັ່ງ ໄປທີ່ເມືອງຄຸນໝິງ ປະເທດຈີນ ໄດ້ຕົກຫຼຸມອາກາດຂະໜາດໃຫຍ່ ສົ່ງໃຫ້ມີຜູ່ໄດ້ຮັບບາດເຈັບຢ່າງໜ້ອຍ 20 ຄົນ
ສຳນັກຂ່າວຊິນຫົວລາຍງານວ່າຫຼັງຈາກເກີດເຫດເຮືອບິນໄດ້ລົງຈອດຢ່າງປອດໄພທີ່ເມືອງຄຸນໝິງ ເມືອງຫຼວງຂອງມົນທົນຢູນນານ ແລະ ໃນຂະນະນີ້ໄດ້ນຳສົ່ງຜູ່ທີ່ໄດ້ຮັບບາດເຈັບສູ່ໂຮງໝໍເປັນທີ່ຮຽບຮ້ອຍແລ້ວ
ດ້ານສາຍການບິນ ໄຊນາອິສເທຣິນ ໄດ້ອອກຖະແຫຼງການລະບຸວ່າ ເຮືອບິນເຂົ້າສູ່ພາວະອາການແປປວນກະທັນຫັນ ແລະ ຜູ່ໂດຍສານບາງຄົນເທິງເຮືອບິນໄດ້ພົບກັບຄວາມບໍ່ສະບາຍ ຢ່າງໃດກໍ່ຕາມເຮືອບິນໄດ້ລົງຈອດຢ່າງປອດໄພທີ່ສະໜາມບິນຄຸນໝິງ ແລະ ໄດ້ມຮການຈັດການດ້ານການແພດຮຽບຮ້ອຍແລ້ວ.