ເວັບໄຊຂ່າວບີບີຊີ ລາຍງານວ່າ ໃນຕອນເດິກຂອງວັນທີ 22 ພຶດສະພາ 2017 ເກີດເຫດລະເບີດຂຶ້ນທີ່ “ແມນເຊສເຕ ອາຣິນາ” ໃນເມືອງແມນເຊສເຕີ ປະເທດອັງກິດ ຫຼັງຂອງເສີດຂອງ ອາຣິອານາ ແກຣນເດ ສີລະປິນຊາວອາເມລິ ກັນ ໄດ້ສິ້ນສຸດລົງ ເຮັດໃຫ້ມີຜູເສຍຊີວິດ 19 ຄົນ ແລະ ບາດເຈັບອີກ 50 ຄົນ.
ຜູ່ເຫັນເຫດການເລົ່າວ່າ ໄດ້ຍິນສຽງລະເບີດດັງຂຶ້ນສອງເທື່ອ ໂດຍລາຍງານລະເບີດເກີດຂຶ້ນໃນຫ້ອງໂຮງລະຄອນຫຼັງຄອນເສີດ ປ໊ອບສຕາຣ໌ຊາວອາເມລິກັນຈົບລົງ.
ດ້ານເຈົ້າໜ້າທີ່ຕຳຫຼວດເມືອງແມນເຊສເຕີລະບຸວ່າ ມີຜູ່ເສຍຊີວິດ ແລະ ຜູ້ໄດ້ຮັບບາດເຈັບເປັນຈຳນວນຫຼາຍ ຂະນະທີ່ສາເຫດຂອງລະເບີດນັ້ນຍັງບໍ່ຊັດເຈນ ຢ່າງໃດກໍ່ຕາມ ໜ່ວຍງານຕໍ່ຕ້ານການກໍ່ການຮ້າຍ ນໍເວສ ຂອງອັງກິດ ຮັບມືກັບເຫດການດັ່ງກ່າວໂດຍລະບຸວ່າອາດເປັນເຫດກໍ່ການຮ້າຍທີ່ອາດເປັນໄປໄດ້ ຂະນະທີ່ຜູ້ສື່ຂ່າວບີບີຊີລາຍງານວ່າ ມີການປະຊຸມດ່ວນຂອງເຈົ້າໜ້າທີ່ລະດັບສູງດ້ານການຕໍ່ຕ້ານການກໍ່ການຮ້າຍທີ່ນະຄອນຫຼວງລອນດອນ ແລະ ປະສານງານກັບກະຊວງ ປ້ອງກັນຄວາມສະຫງົບຂອງອັງກິດ
https://youtu.be/HnzZnAHh2-o
https://youtu.be/adT6vaQRwtg