spot_img
Homeຂ່າວສັ້ນແຊກະໜໍ່າ ຮູບໄຂ່ປິ້ງມີເສັ້ນດຳໆ ຢູ່ຂ້າງໃນ

ແຊກະໜໍ່າ ຮູບໄຂ່ປິ້ງມີເສັ້ນດຳໆ ຢູ່ຂ້າງໃນ

Published on

ມື້ນີ້, ວັນທີ 3 ພຶດສະພາ 2017 ໜ້າເຟດສະບຸກທີ່ຊື່ ເວົ້າຈາພາສາລາວ ໄດ້ໂພດຮູບໄຂ່ປິ້ງທີ່ມີເສັ້ນສີດຳຢູ່ໃນ ພ້ອມຂໍ້ຄວາມ ”ຝາກໄປເຖິງພໍ່ຄ້າແມ່ຂາຍທຸກທ່ານ ກ່ອນສິເຮັດແນວກິນຂາຍ ໃຫ້ເກັບມັດໝxxໃຫ້ຮຽບຮ້ອຍ ບໍ່ຊັ່ນອາດມີການຫລົ່ນໃສ່ອາຫານ ເຮັດໃຫ້ອາຫານລົດຊາດປ່ຽນໄປໃດ້ ເຫັນໃຈຄົນບໍລິໂພກແດ“.

ໂພດດັ່ງກ່າວນັ້ນ ໄດ້ຖືກຜູ້ອ່ານເຂົ້າປະກອບຄຳເຫັນໄປຕ່າງໆນານາ ພ້ອມທັງແຊຕໍ່ຢ່າງຫຼວງຫຼາຍ. ໃນຂະນະທີ່ຜູ້ໂພດຮູບດັ່ງກ່າວກໍບໍ່ໄດ້ບອກທີ່ມາວ່າ ເຫດການດັ່ງກ່າວນັ້ນເກີດຂຶ້ນຢູ່ບ້ານໃດ ເມືອງໃດກັນແທ້.

ຜູ້ມີປະສົບການໃນການເຮັດໄຂ່ປິ້ງໃຫ້ທັດສະນະວ່າ ເຫດການດັ່ງກ່າວເບິ່ງແລ້ວບໍ່ໜ້າເຊື່ອວ່າເປັນໄປໄດ້ ເວັ້ນເສຍແຕ່ວ່າເປັນການຕັ້ງໃຈເຮັດ ເພາະຂັ້ນຕອນການເຮັດໄຂ່ປິ້ງນັ້ນ ພາຍຫຼັງທີ່ຖອກໄຂ່ອອກມາປຸງລົດແລ້ວ ຈະໃຊ້ບ່ວງຕັກໃສ່ໜ່ວຍໄຂ່ຄືນ ຫຼື ໃຊ້ຊີແຣງ (ເຄື່ອງມືສັກຢາ) ດູດສີດໃສ່ຄືນ ເຊິ່ງຖ້າມີວັດຖຸແປກປອມໃດທີ່ມີຂະໜາດໃຫຍ່ ຫຼືຈຳນວນຫຼາຍຂະໜາດທີ່ເຫັນນັ້ນ ກໍຄົງຈະເຫັນຕັ້ງແຕ່ຕອນເຮັດພຸ້ນແລ້ວ.

ແນວໃດກໍຕາມ ເຫດການດັ່ງກ່າວໄດ້ເປັນສິ່ງເຕືອນໃຈ ໃຫ້ພໍ່ຄ້າແມ່ຂາຍທັງຫຼາຍຕ້ອງໄດ້ຕື່ນໂຕເອົາໃຈໃສ່ ທັງເລື່ອງຄວາມສະອາດ, ຄວາມປອດໄພ, ຄຸນປະໂຫຍດ ແລະຄວາມສວຍງາມຂອງ ສິນຄ້າຂອງຕົນໃຫ້ຫຼາຍຂຶ້ນຕື່ມ.

ໄຂ່ປິ້ງເປັນອາຫານຊະນິດໜຶ່ງທີ່ຖືກວາງຂາຍຫຼາຍຕາມຮ້ານຂາຍຂອງກິນສຸກແຄມທາງ ຫຼືໃນເທດສະການງານບຸນຕ່າງໆ ມື້ນີ້ ມີຮູບພາບເສັ້ນສີດຳຄ້າງຢູ່ຂ້າງໃນ ເບິ່ງແລ້ວເສຍລົດຊາດໄປເລີຍ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...