spot_img
Homeຂ່າວຕ່າງປະເທດອີຢິບຄົ້ນພົບສຸສານບູຮານແຫ່ງໃໝ່

ອີຢິບຄົ້ນພົບສຸສານບູຮານແຫ່ງໃໝ່

Published on

ສຳນັກຂ່າວເອເອຟພີລາຍງານຈາກເມືອງ ລັກຊໍ ປະເທດ ອີຢິບ ເມື່ອວັນທີ 18 ເມສາ ວ່າ ກະຊວງບູຮານຄະດີອີຢິບ ຖະແຫຼງການເມືອວັນອັງຄານທີ່ຜ່ານມາ ວ່າ ໄດ້ພົບຫຼຸມຝັງສົບແຫ່ງ “ຣາຊາວົງທີ 18” ມີໂລງໄມ້ 10 ໂລງ ບັນຈຸຮ່າງມຳມີ່ໄວ້ຢ່າງໜ້ອຍ 8 ຮ່າງ ໃນສຸສານໃຕ້ດິນ ດຣາອະ ອາບັລ ນາກາ ໃກ້ “ພູເຂົາສັກສິດ” ທີ່ມີຊື່ສຽງ ໂດຍເປັນຫຼຸມສົບຂອງຂຸນນາງສູງສັກຄົນໜຶ່ງຊື່ “ຢູເຊີຮັດ” ເຊິ່ງເຮັດໜ້າທີ່ເປັນຜູ້ພິພາກສາຂອງເມືອງໃນສະໄໝນັ້ນ

ມອສຕາຟາ ວາຊີຣີ ຫົວນ້າຄະນະນັກບູຮານຄະດີກ່າວວ່າ ຄະນະຂຸດຄົ້ນຕ້ອງຂົນດິນ ແລະ ຫີນເກືອບ 450 ແມັດ ກວ່າຈະເຂົ້າເຖິງປະຕູສຸສານ ສຸສານທີ່ຄົ້ນພົບໃໝ່ຢູ່ຝາກເບື້ອງຕະເວັນຕົກຂອງແມ່ນ້ຳ ໄນລ ຝັ່ງກົງກັນຂ້າມກັບເມືອງ ລັກຊໍ ສຸສານແຫ່ງນີ້ຖືກເປີດເພື່ອເພີ່ມມຳມີ່ອີກໃນຍຸກ “ຣາຊາວົງທີ 21” ເມື່ອປະມານ 3,000 ປີກ່ອນ ເຊິ່ງເທື່ອນີ້ໄດ້ມີການຕິດຕັ້ງລະບົບກົນໄກເພື່ອປ້ອງກັນການລັກຂະໂມຍສິ່ງຂອງມີຄ່າພາຍໃນສຸສານ ເຈົ້າໜ້າທີ່ຍັງຄົ້ນພົບໝໍ້ດິນທາສີຂາວ, ສົ້ມ ແລະ ຂຽວອີກດ້ວຍ

ທ່ານ ຄາຫລິດ ເອລ-ອີນານີ ລັດຖະມົນຕີກະຊວງບູຮານຄະດີ ກ່າວວ່າ ໜ້າປະທັບໃຈທີ່ພົບຢູຊາບຕິ ຫຼື ຮູບແກະສະລັກຂະໜາດນ້ອຍກວ່າ 1,000 ອັນ,​ ຊາວອີຢິບບຸກບູຮານມັກຈະວາງຢູຊາບຕິໄວ້ໃກ້ກັບສົບ ເພື່ອຄອຍຮັບໃຊ້ດວງວິນຍານໃນປໍຣະໂລກ ການຄົ້ນພົບໃນຄັ້ງນີ້ຖືວ່າມີຄວາມສຳຄັນຫຼາຍ ແລະ ຕອນນີ້ເຈົ້າໜ້າທີ່ຍັງດຳເນີນການຂຸດຄົ້ນຕໍ່ໄປ ເນື່ອງຈາກມີຄວາມເປັນໄປໄດ້ທີ່ຈະຄົ້ນພົບຕື່ມອີກ

 

ບົດຄວາມຫຼ້າສຸດ

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...