ນະຄອນຫຼວງ 2017 ກັບເທດສະການປີໃໝ່ ປີນີ້ມີຫຼາຍກິດຈະກຳມ່ວນຊື່ນທີ່ຈັດຢູ່ທີ່ຫາດດອນຈັນ ຖ້າໃຜບໍ່ໄດ້ໄປທາງໃດ ແອັດມິນແນະນຳໃຫ້ໄປຮວມຕົວກັນທີ່ຫາກ ດອນຈັນ ໄປມັນໄປໂຢກກັນໃຫ້ເຕັມທີ່ ເລີ່ມ 12-16 ນີ້ມັນກັນແນ່ນອນ
ສໍາລັບນະຄອນຫຼວງວຽງຈັນເອງກໍມີຫຼາກຫຼາຍກິດຈະກຳດຶງດູດນັກທ່ອງທ່ຽວໃນໄລຍະການສະເຫຼີມສະຫຼອງ ບໍ່ວ່າຈະເປັນກິດຈະກຳທາງສັງຄົມ ແລະທາງສາສະໜາ ໂດຍເລີ່ມຕົ້ນຈາກພິທີໂອບຍອດຄຳພະປາລະມີ 30ທາດ ແລະ ທາສີທຳມະຫາຍໂສກ (ພະທາດຫຼວງວຽງຈັນ) ໃນລະຫວ່າງວັນທີ 6-8 ເມສາທີ່ຜ່ານມາ, ການປະກວດນາງສາວນະຄອນຫຼວງວຽງຈັນ ທີ່ຫາກໍຜ່ານພົ້ນໄປໃນວັນທີ 8 ເມສາ ເພື່ອເລືອກເຟັ້ນເອົານ້ອງນາງສາວມາເປັນລູກສາວພະຍາກະບິນລະພົມທັງເຈັດ.
ໃນວັນທີ 12ເມສາ ຈະມີພິທີບາສີສູ່ຂວັນອວຍພອນບັນດາການນຳນະຄອນຫຼວງວຽງຈັນ.
ວັນທີ 14ເມສາ ຈະມີການແຫ່ພະພຸດທະຮູບ ແລະຫົວພະຍາກະບິນລະພົມອ້ອມເມືອງແລະໄຫວ້ພະເຈົ້າໃຫຍ່ອົງຕື້
ວັນທີ 16ເມສາ ຈະມີພິທີຕັກບາດຕາມວັດວາອາຮາມຕາມຮີດຄອງປະເພນີ
ຕະຫຼອດງານບຸນສະເຫຼີມສະຫຼອງປີໃໝ່ຈະມີອີກຫຼາຍກິດຈະກຳທີ່ຈັດຂຶ້ນບໍລິເວນຫາດດອນຈັນ ໄດ້ມີການສ້າງຕູບຫຍ້າແບບລາວໆຫຼາຍກວ່າ 100 ຫຼັງຮອງຮັບນັກທ່ອງທ່ຽວ ແລະມີການສະແດງສິລະປະຈາກສິລະປິນທີ່ມີຊື່ສຽງທັງພາຍໃນ ແລະຕ່າງປະເທດ, ມີຈຸດກິລາ, ສວນຫຼິ້ນນ້ຳ, ຕີໄກ່, ມວຍນ້ຳ ແລະ ອື່ນໆ.
