spot_img
Homeຂ່າວຕ່າງປະເທດເດັກນ້ອຍ 3 ປີຫຼົງປ່າ 11 ວັນ ລອດຕາຍຍ້ອນມີໝາ

ເດັກນ້ອຍ 3 ປີຫຼົງປ່າ 11 ວັນ ລອດຕາຍຍ້ອນມີໝາ

Published on

116895606 116895609 116895612 116895616 116895618 116895637 116895650 116895656

ຖືເປັນປະຕິຫານອັນຍິ່ງໃຫຍ່ ເມື່ອເດັກຍິງອາຍຸ 3 ປີ ຫຼົງປ່າໃນເຂດ Sakha ທີ່ຖືວາໜາວທີ່ສຸດໃນເຂດໄຊບີເຣຍ ອີກທັງຍັງເປັນບ່ອນອາໄສຂອງໝີແລະໝາໄນຫຼວງຫຼາຍ ແຕ່ເຂົາພັດເອົາຊີວິດລອດມາໄດ້ຕາມລຳພັງເປັນເວລາທັງໝົດ 11 ມື້.

ເດັກນ້ອຍຄົນເກັ່ງຜູ້ນີ້ຊື່ວ່າ Karina Chikitova ເຊິ່ງເຂົາຫຼົງເຂົ້າໄປໃນປ່າພ້ອມກັບໝາຄູ່ໃຈໂຕໜຶ່ງ ໂດຍທີ່ຄອບຄົວເກືອບບໍ່ຮູ້ຊ້ຳ ແລະໃນປ່າເຂດ Sakha ກາງຄືນອຸນະພູມຈະຢູ່ທີ່ 0 ອົງສາ ເຊິ່ງຖືວ່າໜາວແຮງ. ທັນທີທີ່ພໍ່ແມ່ຮູ້ທຸກຄົນຕ່າງໝົດຫວັງ ແລະແມ່ນແຕ່ຜູ້ຊ່ຽວຊານກໍບອກວ່າ ທ່ານອາດຈະຕ້ອງທຳໃຈເພາະໂອກາດລອດໜ້ອຍທີ່ສຸດ… ແລະຍິ່ງວັນເວລາຜ່ານໄປຄວາມໝົດຫວັງກໍຫຼາຍຂຶ້ນເລື້ອຍໆ ອີກທັງຍັງບໍ່ມີວີ່ແວວຂອງເດັກນ້ອຍນັ້ນເລີຍ ແຕ່ແລ້ວມື້ໜຶ່ງກໍເກີດຄວາມຫວັງເມື່ອ ຢູ່ໆ ໝາຄູ່ໃຈຂອງເດັກຍິງຜູ້ນີ້ແລ່ນມາເຮືອນ…ແລະມັນມາເພື່ອບອກຄົນໄປຊ່ວຍເຈົ້ານາຍຂອງມັນ…

ແນ່ນອນວ່າທັນທີທີ່ເຈົ້າໜ້າທີ່ເຫັນໝາໂຕນັ້ນ ກໍຮູ້ທັນທີວ່າ ເດັກຍິງຄົນນີ້ອາດຈະຍັງມີຊີວິດລອດ ເພາະຖ້າຫາກເຂົາກອດໝາໂຕນີ້ໄວ້ຂ້າງກາຍຕະຫຼອດເວລາ ກໍອດາຈະມີຄວາມອົບອຸ່ນພຽງພໍທີ່ຈະເຮັດໃຫ້ບໍ່ແຂງຕາຍໃນຍາມຄ່ຳຄືນໄດ້ ແລ້ວມັນກໍເປັນແນວນັ້ນແທ້ໆ ເມື່ອທີມຄົ້ນຫາປູພົມຊອກໃນປ່າ ຈົນພົບKarina Chikitova ເຊິ່ງພໍ່ແມ່ຕ່າງກໍກັ້ນນ້ຳຕາແຫ່ງຄວາມດີໃຈບໍ່ຢູ່.

ສ່ວນ Karina Chikitova ເລົ່າວ່າ ເຂົາເອົາຊີວິດລອດຈາກປ່າອັນຕະລາຍນີ້ດ້ວຍການກິນໝາກເບີຣີ່ ແລະດື່ມນ້ຳຈາກແມ່ນ້ຳ ສ່ວນບ່ອນນອນກໍເອົາຫຍ້າມາກອງກັນຂຶ້ນແລະທຸກມື້ທີ່ລອດຕາຍຈາກຄວາມເໜັບໜາວໄດ້ ກໍຍ້ອນກອດເອົາຄວາມອົບອຸ່ນຈາກໝາຄູ່ກາຍ ແຕ່ແລ້ວເຂົາກໍຕ້ອງຕັດສິນໃຈວ່າຄວນປ່ອຍໝາໂຕນັ້ນກັບເຮືອນເພື່ອບອກຄົນມາຊ່ວຍ ບໍ່ດັ່ງນັ້ນເຂົາອາດຈະເອົາຊີວິດມາຖິ້ມຢູ່ບ່ອນນີ້ແທ້ໆ.

ຂໍບອກເລີຍວ່າຂ່າວນີ້ນອກຈາກສະແດງໃຫ້ເຫັນແລ້ວ່າເດັກນ້ອຍຣັດເຊຍແຂງແຮງປານໃດ ມັນຍັງສະແດງໃຫ້ຄົນທັງໂລກໄດ້ເຫັນອີກວ່າ ບໍ່ວ່າຈະພົບບັນຫາທີ່ມືດມົນແລະເບິ່ງບໍ່ມີທາງອອກປານໃດ ແຕ່ກໍຈົ່ງສູ້ຕໍ່ໄປຈົນກວ່າຈະເຖິງເຮືອກສົດທ້າຍຂອງລົມຫາຍໃຈ ແລ້ວນັ້ນອາດຈະເຮັດໃຫ້ເຮົາໄດ້ພົບກັບຄວາມຫວັງໃນວິນາທີສຸດທ້າຍ ແລະຈົ່ງຈື່ໄວ້ສະເໝີວ່າແສງສະຫວ່າງຈະປາກົດຕໍ່ໜ້າຄົນທີ່ໃຈສູ້ເທົ່ານັ້ນ ສ່ວນຄົນຖອດໃຈຈະເຫັນພຽງແຕ່ຄວາມມືດມົນ.

 

ແປຂ່າວຈາກ: ເດັກດີ

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...