ວັນທີ 14 ສິງຫາ 2014 ( ມື້ນີ້ ) ສື່ຕ່າງປະເທດລາຍງານວ່າ ເກີດເຫດແຜ່ນດິນຖະຫຼົ່ມໃນພື້ນທີ່ທາງພາກຕາເວັນອອກຂອງ ສະວິດເຊີແລນ ເປັນເຫດໃຫ້ລົດໄຟທີ່ມາຈາກເມືອງ ຄູຣ໌ ມຸ່ງໄປສູ່ເມືອງ ເຊນຕ໌ໂມຣິຊ ຟົ້ງອອກຈາກລາງ ແລ້ວຕົກລົງເຫວ ເຈົ້າໜ້າທີ່ຕໍາຫຼວດໃນພື້ນທີ່ລະບຸວ່າ ພົບລົດໄຟທີ່ປະສົບອຸປະຕິເຫດ 2 ຂະບວນ ທັງນີ້ ການເຂົ້າເຖິງພື້ນທີ່ເກີດເຫດເປັນໄປຢ່າງລໍາບາກ ເນື່ອງຈາກບໍ່ມີຖະໜົນທີ່ຈະເຂົ້າໄປຫາບໍລິເວນທີ່ພົບຊາກລົດໄຟໄດ້ ທາງການຈະຕ້ອງໄດ້ໃຊ ເຮລີຄັອບເຕີ 4 ລໍາ ເຂົ້າຊ່ວຍ.
ຢ່າງໃດກໍຕາມ ໜ່ວຍກູ້ໄພ ແລະ ແພດສຸກເສີນ ກໍາລັງພະຍາຍາມເຂົ້າໄປຫາພື້ນທີ່ດັ່ງກ່າວ ເພື່ອໃຫ້ການຊ່ວຍເຫຼືອ ແລະ ຍັງບໍ່ມີລາຍງານຜູ້ທີ່ເສຍຊີວິດ ຫຼື ໄດ້ຮັບບາດເຈັບເທື່ອ.
ຂໍ້ມູນຂ່າວຈາກ ໄອເອັນເອັນ
![10590420_10152255253609149_8799604521089662917_n](https://laopost.com/wp-content/uploads/2014/08/10590420_10152255253609149_8799604521089662917_n.jpg)