spot_img
Homeມຸມຂ່າວ AECລາວຫາລືຄວາມພ້ອມ ກຽມເຂົ້າປະຊາຄົມເສດຖະກິດອາຊຽນ (AEC)

ລາວຫາລືຄວາມພ້ອມ ກຽມເຂົ້າປະຊາຄົມເສດຖະກິດອາຊຽນ (AEC)

Published on

ກະຊວງການຕ່າງປະເທດ; ກະຊວງຖະແຫລ່ງຂ່າວ, ວັດທະນທຳ ແລະ ທ່ອງ ທ່ຽວ; ກະຊວງອຸດສະຫະກຳ ແລະ ການຄ້າ;

ສະພາການຄ້າ ແລະ ອຸດສາຫະກຳແຫ່ງຊາດ ແລະ ພາກສ່ວນກ່ຽວຂ້ອງຕ່າງໆ ພ້ອມດ້ວຍຜູ້ປະກອບການຫົວໜ່ວຍທຸ

ລະກິດຂອງລາວ ໄດ້ຮ່ວມກັນປຶກສາຫາລືແລກປ່ຽນຄວາມຄິດເຫັນ ລະຫວ່າງພາກລັດ ແລະ ເອກະຊົນກ່ຽວກັບຄວາມ

ພ້ອມຂອງ ສປປ ລາວ ໃນການເຂົ້າປະຊາຄົມເສດຖະກິດອາຊຽນໃນປີ 2015 ໂດຍສະເພາະພາກລັດ ໄດ້ລາຍງານໃຫ້ຮູ້ວ່າ

ມີດ້ານໃດແດ່ທີ່ສາມາດຈັດຕັ້ງປະຕິບັດສຳເລັດແລ້ວ ແລະ ອັນໃດທີ່ບໍ່ທັນສຳເລັດ, ອັນໃດຄືໂອກາດ ແລະ ສິ່ງທ້າທາຍ

ຂອງປະເທດເຮົາ ແລະ ໃນຕໍ່ໜ້ານີ້ ລາວເຮົາຈະເຮັດຫຍັງແດ່ ເພື່ອສ້າງຄວາມພ້ອມຮັບມື ແລະ ແກ້ໄຂບັນຫາທີ່ອາດ

ຈະເປັນຜົນກະທົບຕໍ່ບັນດາຫົວໜ່ວຍທຸລະກິດ ແລະ ຜູ້ປະກອບການຂອງລາວເຮົາ.

 

ນອກຈາກນີ້, ກອງປະຊຸມໄດ້ສຸມໃສ່ມາດຕະການຊຸກຍູ້ການຈັດຕັ້ງຜັນຂະຫຍາຍ ມະຕິລັດຖະບານທີ່ໄດ້ຮັບຮອງເອົາເມື່ອ

ຕົ້ນປີ 2013 ກ່ຽວກັບການກະກຽມ ແລະ ຮັບມືກັບສິ່ງທ້າທາຍຕ່າງໆ ໃນການເຂົ້າປະຊາຄົມອາຊຽນໃນປີ 2015 ໂດຍສະ

ເພາະແມ່ນກ່ຽວກັບກາລະໂອກາດ, ສິ່ງທ້າທາຍ ແລະ ບັນຫາອື່ນໆ ເປັນຕົ້ນ: ການສ້າງບຸກຄະລະກອນ, ນິຕິກຳ, ໂຄງລ່າງ

ພື້ນຖານ, ຜະລິດຕະພັນ ແລະ ອື່ນໆ ເພື່ອໃຫ້ພາກທຸລະກິດຂອງ ສປປ ລາວ ໄດ້ຮັບຜົນປະໂຫຍດສູງສຸດຈາກການເຂົ້າ

ຮ່ວມປະຊາຄົມເສດຖະກິດອາຊຽນໃນປີ 2015 ນີ້.

 

ການປຶກສາຫາລືດັ່ງກ່າວ ມີຂຶ້ນໃນວັນທີ 13 ສິງຫານີ້ ຢູ່ສູນຮ່ວມມືສາກົນ ແລະ ເຝິກອົບ ຮົມ (ITCT) ນະຄອນຫລວງ

ວຽງຈັນ, ພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ຮອງນາຍົກລັດຖະມົນຕີລັດຖະມົນຕີວ່າການກະຊວງ

ການຕ່າງປະເທດ, ມີບັນດາລັດຖະມົນຕີ, ຜູ້ຕາງໜ້າຈາກສະຖາບັນຄົ້ນຄວ້າ ແລະ ຜູ້ປະກອບການຫົວໜ່ວຍທຸລະກິດ

ເຂົ້າຮ່ວມຢ່າງຫລວງຫລາຍ.

 

ແຫຼ່ງຂ່າວ: http://laophatthananews.blogspot.com/2014/08/blog-post_48.html

ບົດຄວາມຫຼ້າສຸດ

ພໍ່ເດັກອາຍຸ 14 ທີ່ກໍ່ເຫດກາດຍິງໃນໂຮງຮຽນ ທີ່ລັດຈໍເຈຍຖືກເຈົ້າໜ້າທີ່ຈັບເນື່ອງຈາກຊື້ປືນໃຫ້ລູກ

ອີງຕາມສຳນັກຂ່າວ TNN ລາຍງານໃນວັນທີ 6 ກັນຍາ 2024, ເຈົ້າໜ້າທີ່ຕຳຫຼວດຈັບພໍ່ຂອງເດັກຊາຍອາຍຸ 14 ປີ ທີ່ກໍ່ເຫດການຍິງໃນໂຮງຮຽນທີ່ລັດຈໍເຈຍ ຫຼັງພົບວ່າປືນທີ່ໃຊ້ກໍ່ເຫດເປັນຂອງຂວັນວັນຄິດສະມາສທີ່ພໍ່ຊື້ໃຫ້ເມື່ອປີທີ່ແລ້ວ ແລະ ອີກໜຶ່ງສາເຫດອາດເປັນເພາະບັນຫາຄອບຄົບທີ່ເປັນຕົ້ນຕໍໃນການກໍ່ຄວາມຮຸນແຮງໃນຄັ້ງນີ້ິ. ເຈົ້າໜ້າທີ່ຕຳຫຼວດທ້ອງຖິ່ນໄດ້ຖະແຫຼງວ່າ: ໄດ້ຈັບຕົວ...

ປະທານປະເທດ ແລະ ນາຍົກລັດຖະມົນຕີ ແຫ່ງ ສປປ ລາວ ຕ້ອນຮັບວ່າທີ່ ປະທານາທິບໍດີ ສ ອິນໂດເນເຊຍ ຄົນໃໝ່

ໃນຕອນເຊົ້າວັນທີ 6 ກັນຍາ 2024, ທີ່ສະພາແຫ່ງຊາດ ແຫ່ງ ສປປ ລາວ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ...

ແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປກຊ-ປກສ ແຂວງບໍ່ແກ້ວ

ວັນທີ 5 ກັນຍາ 2024 ແຂວງບໍ່ແກ້ວ ໄດ້ຈັດພິທີປະກາດແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບ ແຂວງບໍ່ແກ້ວ ໂດຍການເຂົ້າຮ່ວມເປັນປະທານຂອງ ພົນເອກ...

ສະຫຼົດ! ເດັກຊາຍຊາວຈໍເຈຍກາດຍິງໃນໂຮງຮຽນ ເຮັດໃຫ້ມີຄົນເສຍຊີວິດ 4 ຄົນ ແລະ ບາດເຈັບ 9 ຄົນ

ສຳນັກຂ່າວຕ່າງປະເທດລາຍງານໃນວັນທີ 5 ກັນຍາ 2024 ຜ່ານມາ, ເກີດເຫດການສະຫຼົດຂຶ້ນເມື່ອເດັກຊາຍອາຍຸ 14 ປີກາດຍິງທີ່ໂຮງຮຽນມັດທະຍົມປາຍ ອາປາລາຊີ ໃນເມືອງວິນເດີ ລັດຈໍເຈຍ ໃນວັນພຸດ ທີ 4...