ໜັງສືພິມ ຢູເອສເອທູເດ ລາຍງານເມື່ອວັນທີ 4 ມີນາ 2017 ວ່າ ມີປະຊາຊົນໂຊມາເລຍເສຍຊີວິດຈາກໄພອຶດຫິວ 110 ຄົນ ໃນເວລາ 48 ຊົ່ວໂມງ ໃນຂົງເຂດດຽວ ຈາກວິກິດໄພແຫ້ງແລ້ງໜັກທົ່ວປະເທດ ເປັນການປະກາດຕົວເລກຄັ້ງທຳອິດຂອງໄພພິບັດແຫ້ງແລ້ງໂຊມາເລຍ.
ໂຊມາເລຍປະກາດວິກິດໄພແຫ້ງແລ້ງແຫ່ງຊາດໃນວັນທີ 28 ກຸມພາ 2017 ທີ່ຜ່ານມາ ເຊິ່ງອົງການສະຫະປະຊາ ຊາດ ປະເມີນວ່າ ມີປະຊາຊົນໃນປະເທດນີ້ກວ່າ 5 ລ້ານຄົນຕ້ອງການຄວາມຊ່ວຍເຫຼືອ ທ່າມກາງໄພແຫ້ງແລ້ງທີ່ໂຊມາເນຍກຳລັງປະເຊີນໜ້າຢູ່
ຜູ້ຄົນຈຳນວນຫຼາຍໄດ້ແຫ່ເຂົ້າເມືອງຫຼວງຂອງ ໂຊມາເລຍເພື່ອຂໍຮັບຄວາມຊ່ວຍເຫຼືອດ້ານອາຫານ ທີ່ການຊາວຍເຫຼືອຫຼັ່ງໄຫຼມາຈາກໜ່ວຍງານທ້ອງຖິ່ນ ແລະ ລະດັບປະເທດ ເຊິ່ງພົບວ່າ ຜູ້ພັດຖິ່ນໂຊມາເລຍຈຳນວນບໍ່ຕ່ຳກວ່າ 7,000 ຄົນ ຂໍຮັບຄວາມຊ່ວຍເຫຼືອດ້ານອາຫານໃນນະຄອນຫຼວງໂຊມາເລຍທີ່ມີຢູ່ພຽງແຫ່ງດຽວເທົ່ານັ້ນ
ໂຊມາເລຍຕ້ອງພົບກັບວິກິດໄພແຫ້ງແລ້ງ ແລະ ຄວາມຂັດແຍ້ງມາດົນກວ່າ 25 ປີ ຮວມໄປເຖິງການຖືກໂຈມຕີຢ່າງຕໍ່ເນື່ອງຈາກກຸ່ມກໍ່ການຮ້າຍ ອັລເຊບັບ ສົ່ງໃຫ້ໂຊມາເລຍ ຕົກຢູ່ໃນສະພາບເຫດການທີ່ຍາກລຳບາກ ແລະ ເຮັດໃຫ້ ທ່ານ ໂມຮັມເໝັດ ອັບດຸລລາຮີ ໂມຮັມເໝັດ ອອກມາຮ້ອງຂໍຄວາມຊ່ວຍເຫຼືອຈາກປະຊາຄົມໂລກ