ສຳນັກຂ່າວຕ່າງປະເທດລາຍງານວ່າ ອົງການນາຊ່າໄດ້ເຜີຍແຜ່ຮູບຖ່າຍທາງອາກາດທີ່ເຮັດໃຫ້ເຫັນປະກົດການປະຫຼາດທີ່ເກີດຂຶ້ນເໜືອທ້ອງຟ້າ ເມື່ອເມກກຸ່ມໜຶ່ງມີຮູບສາມຫຼ່ຽມຢ່າງໜ້າປະຫຼາດ ຄ້າຍກັບຄື້ນນ້ຳແຜ່ກະຈາຍເມື່ອເຮືອລ່ອງຜ່ານຜິວນ້ຳ.
ສະຖານີອາວະກາດ ກ໊ອດດາຣ໌ ສະເປນ ໄດ້ສົ່ງຮູບຖ່າຍດັ່ງກ່າວທີ່ບັນທຶກໄວ້ເມື່ອວັນທີ 2 ກຸມພາ 2017 ທີ່ຜ່ານມາ ໂດຍດາວທຽມເທີຣ່າຂອງອົງການນາຊ່າ ລະຫວ່າງທີ່ໂຄຈອນຜ່ານເກາະເຊົາຈໍເຈຍ ແລະ ໝູ່ເກາະເຊົາແຊນວິຊ ບໍລິເວນຊີກໂລກຕອນໃຕ້ໃກ້ກັບຂົ້ວໂລກໃຕ້.
ຢ່າງໃດກໍ່ຕາມ ປະກົດການດັ່ງກ່າວນັກວິຊາການຮຽກວ່າ Gravity waves ຫຼື ຄື້ນແຮງໂນ້ມຖ່ວງ ທີ່ເກີດຈາກການເພີ່ມຂຶ້ນ ແລະ ຫຼຸດລົງຂອງຄວາມດັນຊັ້ນບັນຍາກາດ ເຊິ່ງຈຸດດັ່ງກ່າວຖືເປັນພື້ນທີ່ທີ່ມີຄວາມປ່ຽນແປງຂອງສະພາບອາການຄ່ອນຂ້າງຮຸນແຮງ ຄວາມຊຸ່ມຈາກມະຫາສະໝຸດຖືກກົດລົງດ້ວຍແຮງໂນ້ມຖ່ວງບໍລິເວນຂົ້ວໂລກໃຕ້ ແລະ ຖືກປ່ອຍໃຫ້ລອຍຂຶ້ນດ້ວຍຄວາມແຫ້ງຂອງຊັ້ນບັນຍາກາດ ເຮັດໃຫ້ເກີດພາບດັ່ງກ່າວຂຶ້ນຢ່າງສວຍງາມ.
ແຫລ່ງຂໍ້ມູນຈາກ: www.rt.com/viral/376570-gravity-waves-clouds-nasa/, http://news.sanook.com
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!