spot_img
Homeຂ່າວການພັດທະນາເອດີບີ ສະໜອງທຶນ 12 ລ້ານໂດລາ ເຂົ້າໃນວຽກງານສຸຂະພາບໃນລາວ

ເອດີບີ ສະໜອງທຶນ 12 ລ້ານໂດລາ ເຂົ້າໃນວຽກງານສຸຂະພາບໃນລາວ

Published on

ຂປລ. ທະນາຄານພັດທະນາອາຊີ (ເອດີບີ) ຮ່ວມກັບ ລັດຖະບານ ແຫ່ງ ສປປ ລາວ ເຊັນສັນຍາທຶນກູ້ຢືມ ແລະ ທຶນຊ່ວຍເຫລືອລ້າລວມມູນຄ່າ 12 ລ້ານໂດລາສະຫະລັດ ເພື່ອສະໜັບສະໜູນໂຄງການຮັກສາຄວາມປອດ ໄພດ້ານສຸຂະພາບ ໃນ ສປປ ລາວ ແລະ ອະນຸພາກພື້ນແມ່ນໍ້າຂອງ ໂດຍລົງນາມລະຫວ່າງທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີກະຊວງການເງິນ ແລະ ທ່ານ ສະຕີເວັນ ສະຈີປານີ ຮັກສາການ ຜູ້ຕາງໜ້າສຳນັກງານເອດີບີ ປະຈຳ ສປປ ລາວ ໂດຍມີພາກສ່ວນກ່ຽວຂ້ອງຂອງທັງສອງຝ່າຍ ເຂົ້າຮ່ວມເປັນສັກຂີພິຍານ.

ທຶນດັ່ງກ່າວ ຈະໄດ້ນຳໃຊ້ເຂົ້າໃນການສະໜັບສະໜູນ ຄວາມພະຍາຍາມຂອງລັດຖະບານ ເພື່ອຍົກລະດັບການຄວບຄຸມພະຍາດຊຶມເຊື້ອ ທີ່ເກີດຂຶ້ນໃໝ່ເປັນຕົ້ນ ພະຍາດອັກເສບລະບົບຫາຍໃຈຮຸນແຮງກະທັນຫັນ ຫລື ພະຍາດຊາ ແລະ ໄຂຫວັດສັດປີກ, ພ້ອມທັງປັບປຸງການບໍລິການ ຂອງບັນດາໂຮງໝໍຕ່າງໆໃນ 12 ແຂວງໃນຂອບເຂດທົ່ວປະເທດ ແລະ ໃນອະນຸພາກພື້ນແມ່ນໍ້າຂອງ.

ໂຄງການດັ່ງກ່າວ ຈະຊ່ວຍສະໜັບສະໜູນ ຄວາມພະຍາຍາມ ຂອງກະຊວງສາທາລະນະສຸກ ໃນການສ້າງລະບົບເຝົ້າລະວັງ ການແຜ່ລະບາດຂອງເຊື້ອພະຍາດ ໃຫ້ເປັນລະບົບດີຈິຕອນ, ສ້າງຄວາມເຂັ້ມແຂງໃຫ້ບັນດາ ໜ່ວຍງານທີ່ຮັບ ມືກັບການແຜ່ລະບາດ ຂອງເຊື້ອພະຍາດດັ່ງກ່າວ ຢູ່ເຂດຊົນນະບົດນອກນັ້ນ ໂຄງການຍັງຈະໄດ້ປະກອບເຄື່ອງອຸປະກອນ ໃຫ້ແກ່ບັນດາຫ້ອງທົດລອງຕ່າງໆ ແລະ ປັບປຸງລະບົບການປ້ອງກັນ, ຄອບຄຸມ ແລະ ຕິດຕາມການແຜ່ເຊື້ອ ໃຫ້ກັບບັນດາໂຮງໝໍເມືອງ ທີ່ຕັ້ງຢູ່ຕາມເຂດຊາຍແດນ ແລະ ຢູ່ຕາມແລວເສດຖະກິດພາຍໃນ 82 ເມືອງ ໃນ 12 ແຂວງ ເຊັ່ນ: ແຂວງຜົ້ງສາລີ, ຫລວງນໍ້າທາ, ອຸດົມໄຊ, ບໍ່ແກ້ວ, ຫົວພັນ, ຊຽງຂວາງ, ບໍລິຄຳໄຊ, ຄຳມ່ວນ, ສາລະວັນ, ເຊກອງ, ຈຳປາສັກ ແລະ ອັດຕະປື, ພ້ອມນັ້ນ ຍັງຈະໄດ້ສຸມໃສ່ເປົ້າໝາຍປະຊາກອນທີ່ອົບພະຍົບ, ເຄື່ອນຍ້າຍ ແລະ ບັນດາກຸ່ມຄົນທີ່ດ້ອຍໂອກາດ ພ້ອມທັງປະຊາກອນຜູ້ທີ່ອາໃສ ໃນເຂດຊາຍແດນ ທີ່ຫ່າງໄກສອກຫລີກ ແລະ ຄາດວ່າຈະເພີ່ມຄວາມເຂັ້ມແຂງ ໃນການແບ່ງປັນຂໍ້ມູນ ແລະ ການປະສານງານ ເພື່ອຄວບຄຸມ ການແຜ່ລະບາດຂອງເຊື້ອພະຍາດຕ່າງໆ.ລັດຖະບານແຫ່ງ ສປປ ລາວ ຈະປະກອບສ່ວນທຶນສົມທົບ ມູນຄ່າ 6໐໐.໐໐໐ ໂດລາສະຫະລັດ ເຂົ້າໃນການຈັດຕັ້ງປະຕິບັດໂຄງການດັ່ງກ່າວ, ເຊິ່ງຈັດຕັ້ງປະຕິບັດໂດຍກະຊວງສາທາລະນະສຸກ ເປັນເວລາ 5 ປີ ແລະ ຄາດວ່າຈະສຳເລັດພາຍໃນປີ 2022.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...