ເມື່ອວັນເສົາທີ່ຜ່ານມາ (04/02/2017) ສຳນັກງານບໍລິຫານພະລັງງານແຫ່ງຊາດຂອງຈີນ (NEA) ໄດ້ເປີດເຜີຍຂໍ້ມູນວ່າ ປະເທດຈີນເປັນປະເທດທີ່ມີກຳລັງການຜະລິດຈາກພະລັງງານແສງອາທິດທີ່ສູງທີ່ສຸດໃນໂລກ
ໂດຍກຳລັງການຜະລິດຕິດຕັ້ງພະລັງງານແສງອາທິດຂອງຈີນນັ້ນຢູ່ທີ່ 77.42 ລ້ານກິໂລວັດ ໂດຍປີ 2016 ມີການຜະລິດພະລັງງານແສງອາທິດເພີ່ມຂຶ້ນຈາກປີ 2015 ເຖິງ 34.54 ລ້ານກິໂລວັດ ຖືວ່າເປັນສະຖິຕິທີ່ເພີ່ມຂຶ້ນຫຼາຍທີ່ສຸດໃນໂລກ
ຈີນຍັງວາງແຜນຈະເພີ່ມສັກກະຍະພາບໃນການຜະລິດໄຟຟ້າຈາກພະລັງງານແສງອາທິດຕໍ່ໄປອີກ ພາຍໃນປີ 2020 ໃຫ້ຫຼາຍກວ່າ 110 ລ້ານກິໂລວັດ ອີກທັງຈະຫຼຸດລາຄາຂອງພະລັງງານແສງອາທິດລົງຢ່າງນ້ອຍ 50% ເມື່ອທຽບກັບລາຄາໃນປີ 2015
ຈີນຍັງຕັ້ງເປົ້າໝາຍຈະເພີ່ມສັດສ່ວນການໃຊ້ແຫຼ່ງພະລັງງານທີ່ບໍ່ແມ່ນ ຟອສຊິລໃຫ້ເປັນ 20% ໃນປີ 2030 ຈາກປັດຈຸບັນເຊິ່ງຢູ່ທີ່ 11%.
ແຫລ່ງຂ່າວຈາກ: https://board.postjung.com/1013087.html
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!