ພະຍາບານທັນຕະກຳສາວ ອາຍຸ 21 ປີ ນາງ ເຄີຣີ່ ເຜີຍລົດນິຍົມການຮັບປະທານອາຫານສຸດແປກຂອງນາງ
ໂດຍມັກຮັບປະທານ ຟອງນ້ຳ ແລະ ສະບູ ເປັນຊີວິດຈິດໃຈ.
ສຳນັກຂ່າວຕ່າງປະເທດລາຍງານວ່າ ສາວອາຍຸ 21 ປີ ຊື່ນາງ ເຄີຣີ່ ພະຍາບານທັນຕະກຳ ຜູ້ມີລົດນິຍົມແປກ
ບໍ່ຄືໃຜ ໂດຍນາງເປີດເຜີຍກັບວາລະສານ The Sun ວ່າ ນາງມັກກິນຟອງນ້ຳ ແລະ ສະບູ ຫຼາຍເປັນຊີວິດຈິດ
ໃຈ ເຊິ່ງຕະຫຼອດຊີວິດຂອງນາງ ແມ່ນເລີ່ມມີລົດນິຍົມແປກໆແບບນີ້ ໄດ້ກິນຟອງນ້ຳໄປແລ້ວກ່ວາ 4,000
ອັນ ແລະ ສະບູອີກກ່ວາ 100 ກ້ອນ, ແຕ່ແນ່ນອນວ່າ ສິ່ງທີ່ນາງຮັບປະທານມັນເຂົ້າໄປນັ້ນ ບໍ່ໄດ້ຊ່ວຍດູແລ
ຫຼື ຮັກສາສຸຂະພາບໃນຊ່ອງປາກຂອງນາງເລີຍ.
ທັງນີ້ ສາວ ເຄີຣີ່ ຍັງໄດ້ເປີດເຜີຍອີກວ່າ ນາງເລີ່ມມີລົດນິຍົມແປກໆນີ້ ເມື່ອປີ 2008 ໂດຍໃນຕອນທຳອິດ
ນາງບໍ່ຄິດທີ່ຈະບອກກ່າວກັບໃຜ ກ່ຽວກັບຄວາມປະຫຼາດທີ່ເກີດຂຶ້ນໃນໂຕຂອງນາງ, ແຕ່ຫຼັງຈາກຜ່ານໄປ
1 ອາທິດຕໍ່ມາ ນາງກໍໄດ້ກິນຟອງນ້ຳໄປແລ້ວກ່ວາ 9 ອັນ ແລະ ສະບູອີກຫຼາຍກິໂລ ເຊິ່ງຫາກມື້ໃດທີ່ນາງຈະ
ຕ້ອງໄດ້ອອກໄປທາງນອກ ນາງກໍຈະນຳເອົາຟອງນ້ຳຕັດເປັນຕ່ອນນ້ອຍໆ ພ້ອມກັບຕ່ອນໝາກເລັ່ນ ແລະ
ຊັອດບາບີຄິວໄປນຳພ້ອມ.
ຢ່າງໃດກໍຕາມ ບໍ່ແມ່ນວ່ານາງຈະກິນແຕ່ຟອງນ້ຳ ແລະ ສະບູພຽງຢ່າງດຽວເທົ່ານັ້ນ ເພາະນາງກໍຮັບປະທານ
ອາຫານອື່ນໆທົ່ວໄປເປັນປົກກະຕິ ພຽງແຕ່ວ່ານາງຈະຮັບປະທານຟອງນ້ຳ ແລະ ສະບູ ຫຼາຍກ່ວາເປັນພິເສດ
ເທົ່ານັ້ນເອງ.