Homeຂ່າວພາຍ​ໃນຕຳຫຼວດຊຽງຂວາງ ເລັ່ງຈັບຕົວຄາຕະກອນໂຫດ ຂ້າສອງແມ່ລູກຖິ້ມແຄມຫ້ວຍ!

ຕຳຫຼວດຊຽງຂວາງ ເລັ່ງຈັບຕົວຄາຕະກອນໂຫດ ຂ້າສອງແມ່ລູກຖິ້ມແຄມຫ້ວຍ!

Published on

ເຈົ້າໜ້າທີ່ ປກສ ແຂວງ ຊຽງຂວາງ ພວມດຳເນີນການເກັບກຳຂໍ້ມູນຫລັກຖານຢ່າງລະອຽດເພື່ອເລັ່ງຈັບຕົວ

ຄາດຕະກອນໂຫດ ທີ່ຄາດຕະກຳສອງແມ່ລູກຢ່າງປ່າເຖື່ອນ ແລ້ວຖີ້ມສົບໄວ້ແຄມຫ້ວຍນ້ຳງິ້ວເຂດບ້ານໂພນ

ແຍງ ເມືອງຄູນ ແຂວງຊຽງຂວາງ ເມື່ອທ້າຍເດືອນກໍລະກົດຜ່ານມານີ້ມາດຳເນີນຄະດີໃຫ້ໄດ້.

 

ທ່ານຮອງຫົວໜ້າກອງບັນຊາການ ປກສ ເມືອງຄູນ ພັນໂທ ບຸນສຸກ ພິລັນໄຊ ລາຍງານໃຫ້ຮູ້ວ່າ: ພາຍຫລັງໄດ້

ຮັບແຈ້ງຈາກປະຊາຊົນໃນເວລາປະມານ 16:30 ຂອງວັນທີ 29 ກໍລະກົດ 2014 ວ່າພົບເຫັນສົບສອງແມ່ລູກຖືກ

ຖີ້ມໄວ້ຢູ່ແຄມຫ້ວຍນ້ຳງິ້ວ ເຂດບ້ານໂພນແຍງ ຈຶ່ງໄດ້ນຳກຳລັງເຈົ້າໜ້າທີ່ລົງຊັນນະສູດສະຖານທີ່ເກີດເຫດ ແລະ

ຊາກສົບ ຮູ້ວ່າ: ຜູ້ຕາຍຊື່ນາງ ເກັຍຊົງ ອາຍຸ 27 ປີ ແລະ ລູກນ້ອຍເພດຍິງ ອາຍຸພຽງ 1 ປີ ຢູ່ບ້ານນ້ຳຫລາ ເມືອງອາ

ນຸວົງ ແຂວງໄຊສົມບູນ ເສຍຊີວິດຍ້ອນຖືກຄາດຕະກຳ ໂດຍຖືກຕີດ້ວຍຂອງແຂງບໍລິເວນໜ້າ ແລະ ຄໍຖືກປາດ

ເປັນບາດເລິກສົມຄວນ, ສ່ວນລູກນ້ອຍກໍຖືກຕີດ້ວຍ ຂອງແຂງບໍລິເວນຫົວ ແລະ ຖືກປາດຄໍເຊັ່ນດຽວກັນ.

 

ຜ່ານການສອບຖາມຍາດຜູ້ເສຍຊີວິດໄດ້ໃຫ້ການຕໍ່ເຈົ້າໜ້າທີ່ວ່າ: ໃນວັນ ທີ 28 ກໍລະກົດ 2014 ຜູ້ຕາຍ ແລະ ລູກ

ໄດ້ໄປຢາມພີ່ນ້ອງຢູ່ເມືອງຄູນ ແລະ ໃນເວລາທີ່ຜູ້ຕາຍນັ່ງລົດເມໄປນັ້ນມີຄົນເຫັນຜົວເກົ່າຂອງນາງຂີ່ລົດນຳໄປລັດ

ເອົາຢູ່ລະຫວ່າງທາງ ແລ້ວໄດ້ພາກັນຂີ່ລົດມາເມືອງຄູນ ແລະ ໄດ້ນັດກັບພີ່ນ້ອງກິນເຂົ້າຢູ່ຮ້ານອາຫານແຫ່ງໜຶ່ງຢູ່

ເມືອງຄູນ, ພາຍຫລັງຍາດພີ່ນ້ອງໄປຮອດຮ້ານອາຫານ ກໍເຫັນຜູ້ຕາຍຜິດຖຽງກັບຜົວເກົ່າຈຶ່ງພາກັນຍົກເລິກກິນ

ເຂົ້າແລ້ວເມື່ອເຮືອນ ແລະ ມື້ຕໍ່ມາຈຶ່ງຮູ້ວ່ານາງເກັຍຊົງ ແລະ ລູກເສຍຊີວິດ.

 

ທ່ານຮອງຫົວໜ້າກອງບັນຊາການ ປກສ ເມືອງຄູນ ກ່າວວ່າ: ປັດຈຸບັນ ເຈົ້າໜ້າທີ່ກຳລັງຕິດຕາມຜົວເກົ່າທີ່ເປັນ

ເປົ້າໝາຍສົງໄສ ເພື່ອນຳຕົວມາສອບສວນຂະຫຍາຍຜົນ ວ່າມີສ່ວນພົວພັນກັບການຄາດຕະກຳຄັ້ງນີ້ ຫລື   ບໍ່ ?.

 

ແຫຼ່ງຂ່າວ: http://laophatthananews.blogspot.com/2014/08/blog-post_88.html

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...