ສະພາຜູ້ແທນຂອງສະຫະລັດອາເມລິກາ (United House of Representatives) ຫຼື ເອີ້ນອີກຢ່າງໜຶ່ງວ່າສະພາຕ່ຳ
ໄດ້ຜ່ານມະຕິ ຟ້ອງຮ້ອງປະທານາທິບໍດີ ບາຣັກ ໂອບາມາ ໃນຂໍ້ຫາໃຊ້ອຳນາດເກີນກ່ວາທີ່ລັດຖະທຳມະນູນມອບໃຫ້.
ສຳນັກຂ່າວຕ່າງປະເທດລາຍງານວ່າ ສະພາຜູ້ແທນແຫ່ງສະຫະລັດອາເມລິກາ ໄດ້ຜ່ານມະຕິເພື່ອຮ້ອງຟ້ອງປະທາ
ນາທິບໍດີ ບາຣັກ ໂອບາມາ ແຫ່ງສະຫະລັດອາເມລິກາ ໃນຂໍ້ຫາໃຊ້ອຳນາດເກີນກ່ວາທີ່ລັດຖະທຳມະນູນມອບໃຫ້
ດ້ວຍຄະແນນເຫັນດີ 225 ສຽງ ແລະ ຄັດຄ້ານ 201 ສຽງ, ໃນຂະນະນີ້ ກຳລັງຢູ່ລະຫວ່າງການຮ່າງເອກະສານເພື່ອ
ຍື່ນຟ້ອງຕໍ່ສານໃນຂັ້ນຕໍ່ໄປ.
ຜູ້ສະໜັບສະໜູນມະຕິນີ້ເຫັນວ່າ ປະທານາທິບໍດີໂອບາມາ ໃຊ້ອຳນາດເກີນກ່ວາທີ່ລັດຖະທຳມະນູນມອບໃຫ້
ຈາກການເລື່ອນເສັ້ນຕາຍການແກ້ກົດໝາຍປະກັນສຸຂະພາບ ແລະ ການອອກໜັງສືຄຳສັ່ງຄະນະຜູ້ບໍລິຫານ
ເພື່ອຫຼີກລ່ຽງການລົງມະຕິແກ້ກົດໝາຍດັ່ງກ່າວໃນລັດຖະສະພາ, ສ່ວນໂອບາມາເອງອອກມາຕອບໂຕ້ວ່າ
ນີ້ເປັນພຽງເກມທາງການເມືອງ ແລະ ເປັນການກະທຳທີ່ເສຍເວລາ.