spot_img
Homeຂໍ້ມູນກ່ຽວກັບປະເທດລາວປະຫວັດສາດລາວ“ ຕຳນານເມືອງວຽງຈັນ “ ຕອນ ເມືອງນາກ 7 ຫອນ

“ ຕຳນານເມືອງວຽງຈັນ “ ຕອນ ເມືອງນາກ 7 ຫອນ

Published on

ຈາກ ພົງສາວະດານຈີນ ໃນຕອນກາງນີ້ມີອານາຈັກຫນຶ່ງຊື່ວ່າ ”ໂລຟຽວ ຫລື ໂປລູ ຕາມສຳນຽງຂອງຈີນ ອານາຈັກນີ້ມີການພົວພັນກັບຈີນແຕ່ສະໄຫມ ສະຕະວັດທີ VII-VIII ເຫດການນີ້ໄດ້ຈາກ ການຈາລຶກຂອງພໍ່ຄ້າຈີນທີ່ເດີນທາງມາຍັງ ວັນ-ຕັນ ແມ່ນເມືອງໃດແທ້ ຕໍ່ບັນຫານີ້ນັກຄົ້ນຄ້ວາຫລາຍຄົນໃຫ້ທັດສະນະບໍ່ຄືກັນ ບາງຄົນວ່າ ວັນ-ຕັນແມ່ນ“ວຽງຈັນ“ ບາງຄົນວ່າແມ່ນບໍລິເວນປາກຫີນບູນ ແຕ່ແນວໃດກໍ່ຕາມ ວັນ-ຕັນ ຫລື ວຽງຈັນ ໃນສະຕະວັດທີ VII-VIII ແມ່ນໄດ້ມີຄວາມຈະເລີນຮຸ່ງເຮືອງ

6930

ຕຳນານບູຮານໄດ້ກ່າວເຖິງເມືອງວຽງຈັນວ່າ:

ຫນັງສືວັນນະຄະດີເລື່ອງ “ພະລັກພະລາມ“ ລາວກ່າວໄວ້ວ່າ “ທ້າວ ທະຕະລັດຖະ“ ໄດ້ພາໄພ່ພົນຂຶ້ນມາຈາກເມືອງ “ອິນທະປັດຖະນະຄອນ“ ຜ່ານມາທາງໂຫລ້ງແມ່ນ້ຳມູນ ນ້ຳຊີ ໄດ້ມາຕັ້ງທັບພັກເຊົາຢູ່ເມືອງພັນພ້າວ (ແຂວງຫນອງຄາຍ) ມີນາກ 7 ຫອນໂຕຫນຶ່ງຂື້ນມາບອກທ້າວ ທະຕະລັດຖະ ວ່າ ໃຫ້ຂື້ນມາຕັ້ງເມືອງຢູ່ທາງທິດຕາເວັນອອກ (ນະຄອນຫລວງວຽງຈັນ ປະຈຸບັນ) ຈຶ່ງຈະ ຈະເລີນຮຸ່ງເຮືອງ ທ້າວ ຕະທະລັດຖະ ໄດ້ຂ້າມມາສ້າງເມືອງຂື້ນແລ້ວໃສ່ຊື່ວ່າ “ເມືອງສີສັດຕະນາກ“ ຫມາຍເຖິງເມືອງນາກ 7 ຫອນ ທ້າວ ຕະທະລັດຖະ ຢູ່ເມືອງອິນທະປັດນະຄອນ (ອັງໂກທົມ) ເກີດມີຄວາມຂັດແຍ່ງກັບນ້ອງຊາຍຊື່ວ່າ “ວິລຸນລະຫະ“ ເລື່ອງຊັບສົມບັດຂອງແຜ່ນດິນ ແຕ່ສູ້ນ້ອງຊາຍບໍ່ໄດ້ຈຶ່ງພາໄພ່ພົນຫນີຂື້ນມາສ້າງ ເມືອງວຽງຈັນ. 

ຫນັງສືພື້ນເມືອງວຽງຈັນຂຽນໃນສະໄຫມພະຍາ “ແສນສຸລິນ“ ສະຕະວັດທີ່ XVI ກ່າວວ່າມີລືສີສອງອ້າຍນ້ອງ ມາຈາກພູເຂົາຄວາຍໄດ້ຫມາຍບ່ອນສ້າງເມືອງວຽງຈັນໂດຍເອົາຫລັກໄມ້ຄູນ ແລະ ໄມ້ຈັນຫມາຍໄວ້ທີ່ “ຫາດດອນຈັນ“

63300

ຫນັງສືຂຸນບູລົມກ່າວເຖິງເມືອງວຽງຈັນວ່າ ຕອນທີ່ພະມະຫາປາສະມັນ ນຳເອົາພະບາງ ຂື້ນມາຈາກເມືອງຂະເຫມນ ພັກຢູ່ຫາດດອນຈັນ ແລະ ໄດ້ຮູ້ວ່າ ທີ່ປາກປ່າສັກຫັ້ນ ລືສີໄດ້ຫມາຍຫລັກໄມ້ຈັນໄມ້ຄູນໄວ້ເພື່ອສ້າງເມືອງວຽງຈັນ
ຕໍ່ມາສະໄຫມບູລີຈັນ ມາສ້າງສາເມືອງວຽງຈັນ ຕອນນີ້ ມີການເອີ້ນຊື່ວ່າ “ຊຽງ ວຽງ” ບູລີຈັນເປັນຄົນສະໄຫມໃດແທ້ນັ້ນກໍ່ຍັງແມ່ນບັນຫາທີ່ບໍ່ສາມາດເວົ້າໄດ້ຢ່າງແຈ່ມແຈ້ງເທື່ອ ພາຍຫລັງສີ້ນສຸດ ວົງຕະກູນ ບູລີຈັນແລ້ວ ກໍ່ບໍ່ປາກົດມີວົງຕະກູນໃດ ສືບຕໍ່ປົກຄອງເມືອງວຽງຈັນຈົນຮອດສະຕະວັດທີ່ X ພວກຂະເຫມນ-ຈາມ ຢູ່ທາງປາກແມ່ນ້ຳຂອງ ໄດ້ຂະຫຍາຍອຳນາດການປົກຄອງຂື້ນມາຮອດວຽງຈັນ ເຊີ່ງຫລັກຖານຢູ່ເມືອງ ຊາຍຟອງ ໃນເມື່ອອຳນາດຂະເຫມນເຊື່ອມໄປ ໃນສະຕະວັດທີ່ XIII ເມືອງວຽງຈັນກໍ່ຮ້າງໄປໄລຍະ 1 ຈາກນັ້ນກໍ່ໄດ້ສ້າງເປັນບ້ານເປັນເມືອງຂື້ນມາອີກໃຫມ່ ແຕ່ຍັງບໍ່ມີເອກະສານຢັ້ງຢືນວ່າມີເຈົ້າກະສັດໃດໄດ້ປົກຄອງເມືອງວຽງຈັນ ຈົນທ້າຍ ສະຕະວັດທີ XIII ລະຫວ່າງປີ ຄສ 1279-1299 ຈຶ່ງປາກົດຊື່ເມືອງວຽງຈັນ ແລະ ວຽງຄຳ ຢູ່ສີລາຈາລຶກຂອງ “ຂຸນລາມຄຳແຫງ“ ຈາກນັ້ນມາຫລາຍທົດສະວັດ ແຕ່ກໍ່ຍັງບໍ່ປາກົດເຫັນຫລັກຖານກ່ຽວກັບການປົກຄອງຢູ່ວຽງຈັນ ຈົນເຖິງ ປີ ຄສ 1354 ພະເຈົ້າຟ້າງຸ່ມຍົກທັບມາຕີວຽງຈັນຈຶ່ງຮູ້ວ່າ “ທ້າວ ຄຳມຸ່ງ“ ເປັນເຈົ້າປົກຄອງເມືອງວຽງຈັນ ໄດ້ຍົກພົນອອກສູ້ກັບເຈົ້າຟ້າງຸ່ມ ແລະໄດ້ຖືກຂ້າຕາຍຄາຄໍຊ້າງ.

690

ທີ່ມາຂອງຂໍ້ມູນຈາກ: ເຟສບຸກ ບູຮານຄະດີແລະປະຫວັດສາດລາວ

ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...