ພົບສົບສອງທະຫານເກົາຫຼີໃຕ້ ໃນສະພາບແຂວນຄໍຕາຍ ທີ່ຄ້າຍທະຫານ 2 ແຫ່ງ ຕິດຊາຍແດນທາງເໜືອ
ຂອງປະເທດ ສື່ມວນຊົນເຊື່ອ ລົງມືຈົບຊີວິດຕົນເອງ ອາດເປັນເພາະການເຝິກທະຫານມີຄວາມກົດດັນສູງ
ຈົນເຮັດໃຫ້ເຄັ່ງຄຽດໜັກ.
ກອງທັບເກົາຫຼີໃຕ້ ຖະແຫຼງເມື່ອວັນທີ 29 ກໍລະກົດ 2014 ເຖິງສາເຫດການຕາຍຂອງທະຫານພັນທະ 2 ຄົນ
ນາມສະກຸນຊິນ ແລະ ປາກ ເຊິ່ງຂ່າວບໍ່ໄດ້ລະບຸບອກຊື່ຂອງເຂົາເຈົ້າ ຫຼັງຈາກທີ່ທັງຄູ່ຖືກພົບເປັນສົບໃນສະ
ພາບແຂວນຄໍໃນຄ້າຍທະຫານ 2 ແຫ່ງ ຕິດຊາຍແດນທາງພາກເໜືອຂອງເກົາຫຼີໃຕ້ ເມື່ອວັນທີ 27 ກໍລະກົດ
ໂດຍຄ້າຍໜຶ່ງເປັນຄ້າຍທະຫານເກົ່າ ທີ່ເຄີຍເກີດເຫດພົນທະຫານນາມສະກຸນ ລິມ ກໍ່ເຫດໄລ່ຍິງເພື່ອນທະ
ຫານຮ່ວມກອງທັບເສຍຊີວິດ ເມື່ອເດືອນມິຖຸນາຜ່ານມາ ເຊິ່ງຄາດວ່າທະຫານທັງ 2 ຄົນຂ້າຕົນເອງຕາຍ
ເພາະຄວາມເຄັ່ງຄຽດ ອີກທັງຍັງມີປະຫວັດເຂົ້າຮັບການບຳບັດອາການທາງຈິດມາກ່ອນ ເຮັດໃຫ້ກອງທັບ
ເກົາຫຼີໃຕ້ ສັ່ງສອບສວນເພີ່ມຕື່ມວ່າ ເຫດສະຫຼົດທັງ 2 ກໍລະນີ ມີຄວາມກ່ຽວພັນກັນ ຫຼື ບໍ່.