Homeຂ່າວເຫດການໄຂກອງປະຊຸມ ສະມັດຊາລັດຖະສະພາອາຊີ ຄັ້ງທີ 9 ຢູ່ກຳປູເຈຍ

ໄຂກອງປະຊຸມ ສະມັດຊາລັດຖະສະພາອາຊີ ຄັ້ງທີ 9 ຢູ່ກຳປູເຈຍ

Published on

(ສພຊ) ​ໃນ​ວັນທີ 28 ພະຈິກ 2016, ທີ່ຊຽມຣຽບ, ​ຣາຊະອານາຈັກກໍາປູເຈຍ, ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ພ້ອມດ້ວຍປະທານລັດຖະສະພາ ກໍຄືຫົວໜ້າຄະນະຜູ້ແທນ ບັນດາປະເທດອາຊີ ທີ່ຈະເຂົ້າຮ່ວມກອງປະຊຸມ ສະມັດຊາລັດຖະສະພາອາຊີ ຄັ້ງທີ 9, ໄດ້ເຂົ້າຢ້ຽມຂໍ່ານັບ ສົມເດັດ ອັກຄະມະຫາ ໂປເຢຍ ຈັກກີ ເຮັງຊໍາຣິນ (AkkaMoha Ponhea Charkie HengSamrin) ປະທານສະພາແຫ່ງຊາດ ແຫ່ງ ຣາຊະອານາຈັກ ກໍາປູເຈຍ ທັງເປັນປະທານສະມັດຊາລັດຖະສະພາອາຊີ, ເຊິ່ງສົມເດັດ ໄດ້ສະແດງຄວາມຍິນດີຕ້ອນຮັບ ແລະ ອວຍພອນໃຫ້ການດຳເນີນກອງປະຊຸມດັ່ງກ່າວ ປະສົບຄວາມສໍາເລັດອັນຈົບງາມ.

ວັນດຽວກັນ, ກອງປະຊຸມສະມັດຊາລັດຖະສະພາອາຊຽນ ຄັ້ງທີ 9 ໄດ້ໄຂຂຶ້ນຢ່າງເປັນທາງການ, ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດແຫ່ງ ສປປ ລາວ ໄດ້ນໍາພາຄະນະຜູ້ແທນລາວ ເຂົ້າຮ່ວມ, ມີບັນດາປະທານf ຮອງປະທານລັດຖະສະພາ ບັນດາປະເທດອາຊີ ກໍຄືຫົວໜ້າຄະນະຜູ້ແທນ ພ້ອມດ້ວຍສະມາຊິກລັດຖະສະພາ ບັນດາປະເທດອາຊີ 23 ປະເທດ ເຂົ້າຮ່ວມ.

ໃນພິທີ ຍຸນ ຍຽນ (NgounNhel), ຮອງປະທານສະພາແຫ່ງຊາດ ແຫ່ງ ຣາຊະອານາຈັກ ກໍາປູເຈຍ ທັງເປັນປະທານຄະນະກໍາມະການ ຈັດຕັ້ງກອງປະຊຸມ ໄດ້ຂຶ້ນກ່າວຕ້ອນຮັບຜູ້ແທນກອງປະຊຸມ “ລັດຖະສະພາ, ລັດຖະບານ ແລະ ປະຊາຊົນຣາຊະອານາຈັກ ກໍາປູເຈຍ ມີຄວາມພາກ ພູມໃຈທີ່ໄດ້ເປັນປະທານ ສະມັດຊາລັດຖະສະພາອາຊີ ໃນໄລຍະເວລາ 2 ປີ, ນີ້ເປັນການສະແດງໃຫ້ເຫັນວ່າ ຣາຊະອານາຈັກ ກໍາປູເຈຍ ມີສະເຖຍລະພາບທາງດ້ານການເມືອງ ແລະ ມີຄວາມໝັ້ນຄົງ ທີ່ເປັນເງື່ອນໄຂສະດວກ ໃນການເປັນເຈົ້າພາບຈັດກອງປະຊຸມ ເຊິ່ງໄດ້ເຕົ້າໂຮມບັນດາຜູ້ຕາງໜ້າຂອງປະຊາຊົນ ທົ່ວທະວີບອາຊີຢູ່ທີ່ນີ້. 

ສັນຕິພາບ ແມ່ນປັດ​ໄຈທີ່ຈໍາເປັນ ແລະ ເປັນເງື່ອນໄຂເບື້ອງຕົ້ນ ໃຫ້ແກ່ການພັດທະນາແບບຍືນຍົງ, ມັນເປັນປັດ​ໄຈຕົ້ນຕໍ ແລະ ຂາດບໍ່ໄດ້ ພາຍໃນຂອບພາກພື້ນ ແລະ ສາກົນ ໃນການສ້າງປະເທດ, ພາກພື້ນ ແລະ ໂລກ ທີ່ສະຫງົບສຸກ ແລະ ວັດທະນາຖາວອນ. ຂ້າພະເຈົ້າ ຂໍສະແດງຄວາມຍິນດີຕ້ອນຮັບ ບັນດາປະທານລັດຖະສະພາ, ຫົວໜ້າລັດຖະບານ ແລະ ບັນດາຜູ້ແທນກອງປະຊຸມ ທີ່ປະກອບສ່ວນໃຫຍ່ ຫລວງເຮັດໃຫ້ ກອງປະຊຸມ ສະມັດຊາລັດຖະສະພາອາຊີ ຄັ້ງທີ 9 ນີ້ ມີບັນຍາກາດແຫ່ງການຮ່ວມມື ແລະ ປະສົບຄວາມສໍາເລັດອັນຈົບງາມ.

ໃນຕອນຄໍ່າວັນດຽວກັນ, ກໍໄດ້ມີງານລ້ຽງອາຫານຄໍ່າຢ່າງເປັນທາງການ ເພື່ອຕ້ອນຮັບບັນດາຜູ້ແທນກອງປະຊຸມ, ເຊິ່ງໂດຍການ ເປັນເຈົ້າ ພາບຂອງສົມເດັດ ອັກຄະມະຫາ ໂປເຢຍ ຈັກກີ ເຮັງຊໍາຣິນ (AkkaMoha Ponhea Charkie HengSamrin) ປະທານສະພາແຫ່ງຊາດ ແຫ່ງ ຣາຊະອານາຈັກ ກໍາປູເຈຍ ທັງເປັນປະທານສະມັດຊາລັດ ຖະສະພາອາຊີ.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...