ສຳນັກຂ່າວຕ່າງປະເທດ ລາຍງານໃນວັນທີ 10 ພະຈິກນີ້ວ່າ ທ່ານ ນາງ ຮີນລາຣີ ຄລິນຕັນ ຕົວແທນຈາກພັກເດໂມແຄຣັດ ໄດ້ອອກມາກ່າວປາໄສ ຍອມຮັບຄວາມປະລາໄຊຈາກການເລືອກຕັ້ງ ຊິງຕຳແໜ່ງປະທານາທິບໍດີ ສະຫະລັດອາເມຣິກາ ຕໍ່ທ່ານ ໂດນັນ ທຣັມ ໃນມື້ວັນພຸດທີ 9 ພະຈິກ ຢູ່ນະຄອນນິວຢອກ ໂດຍທ່ານໄດ້ຮຽກຮ້ອງໃຫ້ ບັນດາຜູ້ສະໜັບສະໜູນຂອງທ່ານ ເປີດໃຈຍອມຮັບ ທ່ານ ທຣັມ ແລະ ໃຫ້ໂອກາດແກ່ລາວເປັນຜູ້ນຳພາປະເທດ.
ດ້ານທ່ານ ບາຣັກ ໂອບາມາ ປະທານາທິບໍດີ ແຫ່ງ ສະຫະລັດອາເມຣິກາ ກໍໄດ້ອອກມາຖະແຫລງໃນມື້ດຽວກັນ ເພື່ອຮຽກຮ້ອງໃຫ້ສະມາຊິກພັກ ແລະ ຜູ້ສະໜັບສະໜູນພັກເດໂມແຄຣັດ ປະຖິ້ມຄວາມຜິດຫວັງໄວ້ເບື້ອງຫລັງ, ຫລັງຈາກທີ່ ທ່ານ ທຣັມ ໄດ້ເປັນຝ່າຍຊະນະໃນບັ້ນເລືອກຕັ້ງ ແລະ ຂໍໃຫ້ທີມງານຂອງຕົນ ເຮັດວຽກດ້ວຍຄວາມຕັ້ງໃຈ ເພື່ອເຮັດໃຫ້ການມອບໂອນອຳນາດປະທານາທິບໍດີ ປະສົບຜົນສຳເລັດຢ່າງຈົບງາມ.
ຕິດຕາມເຮົາທາງFacebook ກົດຖືກໃຈເລີຍ!