Homeຂ່າວເຫດການສສຊ ປະກອບຄຳເຫັນ ໃສ່ຮ່າງກົດໝາຍທາງຫລວງ ແລະ ກົດໝາຍລັດຖະບານ ສະບັບປັບປຸງ

ສສຊ ປະກອບຄຳເຫັນ ໃສ່ຮ່າງກົດໝາຍທາງຫລວງ ແລະ ກົດໝາຍລັດຖະບານ ສະບັບປັບປຸງ

Published on

ຂປລ.​ ຮ່າງກົດໝາຍວ່າດ້ວຍທາງຫລວງແລະ ຮ່າງກົດໝາຍວ່າດ້ວຍ ລັດຖະບານ ສະບັບປັບປຸງໄດ້ຖືກນຳສະເໜີ ຕໍ່ກອງປະຊຸມ ສະໄໝສາມັນ ເທື່ອທີ 2ຂອງສະພາແຫ່ງຊາດ ຊຸດທີ VIII ໃນວັນທີ 8 ພະຈິກ ນີ້ໂດຍສະມາຊິກສະພາແຫ່ງຊາດ ເຂດເລືອກຕັ້ງຕ່າງໆ ໄດ້ສຸມໃສ່ຄົ້ນຄ້ວາພິຈາລະນາແລະ ປະກອບຄຳເຫັນຕໍ່ຮ່າງກົດໝາຍທັງສອງສະບັບເພື່ອໃຫ້ມີເນື້ອໃນສົມບູນຄົບຖ້ວນຂຶ້ນກວ່າເກົ່າ.

ທ່ານ ບຸນຈັນ ສິນທະວົງ ລັດຖະມົນຕີ ກະຊວງໂຍທາທິການແລະ ຂົນສົ່ງ ລະບຸວ່າ: ພາຍຫລັງປະກາດໃຊ້ກົດໝາຍວ່າດ້ວຍທາງຫລວງແຕ່ປີ 1999 ​ເປັນຕົ້ນມາ ຕາໜ່າງເສັ້ນທາງຄົມມະນາຄົມໃນທົ່ວປະເທດ ໄດ້ຮັບການພັດທະນາແລະ ຂະຫຍາຍຕົວຢ່າງຕໍ່ເນື່ອງເພື່ອອອກສູ່ທະເລທິດຕາເວັນອອກແລະເຊື່ອມຈອດພາກພື້ນ. ​ເສັ້ນທາງຈຳນວນໜຶ່ງ ໄດ້ຮັບການຍົກລະດັບ ແລະ ກໍ່ສ້າງ​​ໃໝ່ ໂດຍສະເພາະລະຫວ່າງແຂວງຫາເມືອງ, ບ້ານແລະເຂດຈຸດສຸມຢູ່ຫ່າງໄກສອກຫລີກ ປະກອບສ່ວນເຂົ້າໃນການພັດທະນາ ເສດຖະກິດ-​ສັງຄົມຂອງຊາດ. ສຳລັບຕາໜ່າງເສັ້ນທາງຫລວງໄດ້ເພີ່ມຂຶ້ນຈາກ 23.000 ກິໂລແມັດໃນປີ 1999 ມາເປັນ 51.597 ກິໂລແມັດໃນປີ 2014. ​

ແຕ່ຢ່າງ​ໃດກໍຕາມ ການຈັດປະເພດທາງຫລວງ ຍັງບໍ່ທັນສອດຄ່ອງກັບສະພາບການພັດທະນາໃນໄລຍະໃໝ່, ກົດໝາຍສະບັບປັດຈຸບັນ ຍັງບໍ່ທັນໄດ້ກຳນົດຂອບເຂດທາງຫລວງຢ່າງຊັດເຈນແລະ ຍັງບໍ່ກວມເອົາເຂດສະຫງວນເທິງໜ້າດິນ, ​ໃຕ້ດິນແລະໂຄງປະກອບອື່ນໆ. ພ້ອມນີ້ ການປະຕິບັດກິດຈະການທາງຫລວງ ຍັງບໍ່ທັນໄດ້ກຳນົດແຈ້ງ ກ່ຽວກັບການອະນຸມັດ, ການສຶກສາຄວາມເປັນໄປໄດ້, ການສຳຫລວດ, ການອອກແບບ, ການສະໜອງພື້ນທີ່ໂຄງການແລະ ການຊົດເຊີຍທົດແທນຄ່າເສຍຫາຍ ແກ່ຜູ້ທີ່ໄດ້ຮັບຜົນກະທົບ ຈາກກິດຈະການທາງຫລວງບໍ່ທັນສອດຄ່ອງ​. ສະນັ້ນ, ຈຶ່ງມີຄວາມຈຳເປັນຕ້ອງໄດ້ປັບປຸງ ກົດໝາຍວ່າດ້ວຍທາງຫລວງເຮັດໃຫ້ການຄຸ້ມຄອງການກໍ່ສ້າງ, ບູລະນະຮັກສາ, ສ້ອມແປງແລະ ນຳໃຊ້ທາງຫລວງໃຫ້ມີປະສິດທິພາບ.

ທ່ານ ຄຳໝັ້ນ ສູນວິເລີດ ລັດຖະມົນຕີກະຊວງພາຍໃນ ກໍໄດ້ຊີ້ໃຫ້ເຫັນວ່າ: ​​ເຖິງການປັບປຸງຮ່າງກົດໝາຍ ວ່າດ້ວຍລັດຖະບານແມ່ນເພື່ອໃຫ້ສອດຄ່ອງກັບສະພາບຕົວຈິງເປັນຕົ້ນການປ່ຽນຊື່​ ຫ້ອງວ່າການລັດຖະບານ ມາເປັນສຳນັກງານນາຍົກລັດຖະມົນຕີ, ລວມທັງການກໍານົດທີ່ຕັ້ງ, ພາລະບົດບາດ, ສິດແລະ ໜ້າທີ່ເພື່ອໃຫ້ສອດຄ່ອງກັບການປະຕິບັດວຽກງານໃນໄລຍະໃໝ່. ລວມທັງສິດແລະ ໜ້າທີ່ຂອງນາຍົກລັດຖະມົນຕີ ມີຄຳເຫັນຕໍ່ການສະເໜີຂອງເຈົ້າແຂວງແລະເຈົ້າຄອງນະຄອນຫລວງ ກ່ຽວກັບການແຕ່ງຕັ້ງ, ຍົກຍ້າຍແລະ ປົດຕຳແໜ່ງຮອງເຈົ້າແຂວງ, ຮອງເຈົ້າເຈົ້າຄອງ; ສິດແລະ ໜ້າທີ່ຂອງລັດຖະມົນຕີ ປະຈຳສຳນັກງານນາຍົກລັດຖະມົນຕີແລະ ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີຕາມທີ່ກຳນົດໄວ້ ໃນມາດຕາ 13 ​ໃຫ້ຄົບຖ້ວນແລະເໝາະສົມ.

khammun

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...