ປະໂຫຍກ ແລະ ພາບສຸດທ້າຍ ຈາກໜຸ່ມຊາວດັສ ໄດ້ ໂພສລົງເຟສບຸກ ກ່ອນທີ່ MH17 ຖືກຍິງຕົກ
ພາຍຫລັງ ເຮືອບິນໂບອິງ 777-200 ອີອາຣ ຂອງສາຍການບິນ ມາເລເຊຍ ແອລາຍ ຖ້ຽວບິນ MH17 ເສັ້ນທາງ ນະຄອນ ອຳສະເຕີດຳ ປະເທດເນເທີແລນ ແລະ ມີປາຍທາງທີ່ ນະຄອນ ກົວລາລຳເປີ ປະເທດ ມາເລເຊຍ ໄດ້ຖືກຍິງຕົກ ຈົນເຮັດໃຫ້ມີຜູ້ເສຍຊີວິດໝົດລຳ ລວມທັງໝົດ 295 ຄົນ.
ຂະນະນີ້ມີການວິພາກວິຈານ ກັນຢ່າງໜາຫູເຖິງສາເຫດອັນແທ້ຈິງນັ້ນ ມັນເກີດຍ້ອນຫຍັງ ແລະ ຄັນວ່າ ຖືກຍິງຕົກແທ້ແລ້ວ ແມ່ນ ຝ່າຍໃດເປັນຜູ້ຍິງ ແລະ ເປັນຫຍັງຄືຍັງບໍ່ທັນມີຝ່າຍໃດອອກມາຮັບຜິດຊອບ ແລະ ອີກບັນຫາໜຶ່ງທີ່ ກຳລັງເປັນທີ່ຮືຮາ ແລະ ແຊກັນເປັນຈຳນວນ ຫລວງຫລາຍໃນ ເຟສບຸກ “ ນັ້ນກໍຄື ພາບ ແລະ ຂໍ້ຄວາມ ສຸດທ້າຍ ຂອງ ຊາຍໜຸ່ມ ຊາວ ດັສ ໜຶ່ງໃນຜູ້ໂດຍສານຖ້ຽວບິນ MH 17ດັ່ງກ່າວ”
ຊາຍໜູ່ມ ຊາວດັສ ຊື່ວ່າ “Cor Pan” ໄດ້ຖ່າຍພາບເຮືອບິນລຳດັ່ງກ່າວ ແລະ ໄດ້ພິມລະບຸເປັນພາສາ ດັສ ວ່າ “Mocht hij verdwijen ,zo ziet hit d’r uit”
ຫລືແປເປັນລາວເຮົາວ່າ :
“ເພື່ອເຮືອບິນລຳນີ້ຫາຍໄປ ຈະໄດ້ຮູ້ວ່າຮູບຮ່າງມັນເປັນຄືແນວໃດ”
ທີ່ມາ Facebook mahasonmagazine