spot_img
Homeອຸບັດເຫດແລະປາກົດການຫຍໍ້ທໍ້ຈັບເຄືອຂ່າຍ ຄ້າຢາເສບຕິດລາຍໃຫຍ່ຢູ່ບໍ່ແກ້ວ

ຈັບເຄືອຂ່າຍ ຄ້າຢາເສບຕິດລາຍໃຫຍ່ຢູ່ບໍ່ແກ້ວ

Published on

ເມື່ອທ້າຍອາທິດຜ່ານມານີ້, ເຈົ້າໜ້າທີ່ ປກສ ເມືອງຕົ້ນເຜີ້ງແຂວງບໍ່ແກ້ວ,  ໄດ້ຈັບເຄືອຂ່າຍ ຄ້າຢາເສບຕິດລາຍໃຫຍ່ຢູ່ບ້ານຕ້າງອໍ້, ເມືອງຕົ້ນເຜິ້ງ, ແຂວງບໍ່ແກ້ວ ປະກອບມີ: ທ້າວ ພົມມະລີ ອາຍຸ 51 ປີຢູ່ບ້ານໃໝ່ພູຄາ, ເມືອງຫ້ວຍຊາຍ ແລະ ທ້າວ ແກ້ວເງິນ ອາຍຸ 40 ປີຢູ່ບ້ານໃຫຍ່ຕົ້ນເຜິ້ງ, ເມືອງຕົ້ນເຜິ້ງ, ພ້ອມຂອງກາງຝຸ່ນສານເຄມີຜະລິດຢາເສບຕິດຫລາຍກວ່າ 500 ກິໂລທີ່ຊຸກເຊື່ອງໄວ້ໃນລົດກະບະໝາຍເລກທະບຽນ ກກ 0090 ບໍ່ແກ້ວ.
ເຈົ້າໜ້າທີ່ໃຫ້ຮູ້ວ່າ: ການຈັບຕົວເຄືອຂ່າຍຄ້າຢາເສບຕິດລາຍໃຫຍ່ໃນຄັ້ງນີ້, ແມ່ນໄດ້ຮັບລາຍງານຈາກພົນລະເມືອງດີວ່າຈະມີການລັກລອບຂົນສົ່ງຜ່ານເຂດບ້ານຕ້າງອໍ້, ຈຶ່ງໄດ້ຈັດກໍາລັງຕັ້ງດ່ານກວດກາ ແລະ ເຫັນລົດກະບະເປົ້າໝາຍແລ່ນມາຕາມເສັ້ນທາງບ້ານດັ່ງກ່າວ ຈຶ່ງໄດ້ຢຸດລົດເພື່ອກວດຄົ້ນ ແລະ ພົບເຫັນຝຸ່ນສານຜະລິດຢາເສບຕິດຈໍານວນຫລາຍຢູ່ຫລັງລົດ, ພ້ອມທັງມີປືນ AK, K59 ແລະ ປືນສັ້ນປະເພດລະກະບອກ, ສາຍຄໍ 2 ເສັ້ນ, ແຫວນ 1 ວົງ, ເງິນ 519 ພັນກີບ, 8.930 ບາດ (ສະກຸນເງິນໄທ) ຈຶ່ງໄດ້ຢຶດໄວ້ເປັນຫລັກຖານເພື່ອດໍາເນີນຄະດີ.
ຜ່ານການສືບສວນ-ສອບສວນຂອງເຈົ້າໜ້າທີ່ພວກກ່ຽວຮັບສາລະພາບວ່າ: ສານຜະລິດຢາເສບຕິດທັງໝົດເປັນຂອງພວກຕົນແທ້, ໂດຍຊື້ມາຈາກຂະບວນການຄ້າຢາເສບຕິດຢູ່ບ້ານໃໝ່ພູຄາ, ເມືອງຫ້ວຍຊາຍ ເພື່ອຈະໄປຂາຍໃຫ້ລູກຄ້າຢູ່ເມືອງເມິງ ແຂວງບໍ່ແກ້ວ, ແຕ່ຖືກເຈົ້າໜ້າທີ່ຈັບຕົວໄດ້ກ່ອນ.

ປັດຈຸບັນ ຄະດີຢາເສບຕິດລາຍນີ້, ເຈົ້າໜ້າທີ່ກໍາລັງຂະຫຍາຍຜົນຫາຜູ້ຮ່ວມຂະບວນການເພື່ອຈັບຕົວມາດໍາເນີນຄະດີໂດຍໄວ.

ຂ່າວ: ລາວພັດທະນາ

ບົດຄວາມຫຼ້າສຸດ

ອອກມາແລ້ວ ກົດໝາຍວ່າດ້ວຍລັດຖະກອນສະບັບປັບປຸງໃໝ່ ລົງວັນທີ 7 ພຶດສະພາ 2025

ແຈ້ງການອອກມາແລ້ວ ກົດໝາຍວ່າດ້ວຍພະນັກງານ-ລັດຖະກອນ ສະບັບປັບປຸງ ເລກທີ 046/ປປທ ລົງວັນທີ 07/09/2025 ມີເນື້ອໃນດັ່ງນີ້:

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...