Home​ຂ່າວທ່ອງທ່ຽວວັດທາດຈຸນລະມະນີ (ແຂວງອັດຕະປື) ສະຖານທີ່ ເກັບຮັກສາທາດອັດຖິ ຂອງພະເຈົ້າໄຊຍະເສດຖາທິລາດ

ວັດທາດຈຸນລະມະນີ (ແຂວງອັດຕະປື) ສະຖານທີ່ ເກັບຮັກສາທາດອັດຖິ ຂອງພະເຈົ້າໄຊຍະເສດຖາທິລາດ

Published on

ທ່ອງທ່ຽວ ກັບ ລາວໂພສຕ໌ ວັນນີ້ເຮົາຈະພາທຸກຄົນມາຮູ້ຈັກກັບວັດແຫ່ງໜຶ່ງທີ່ແຂວງ ອັດຕະປື ທີ່ວັດແຫ່ງນີ້ນອກຈາກຈະສະຖານທີ່ບູຮານເກົ່າແກ່ ແລະ ຍັງມີຄວາມງົດງາມແລ້ວ ຍັງເປັນທີ່ເກັບຮັກສາອັດຖິ ຂອງພະເຈົ້າໄຊຍະເສດຖາທິລາດ ເຊື້ອພະວົງອົງໜຶ່ງທີ່ໄດ້ຮັບການຍົກຍ້ອງວ່າເປັນວິລະບຸດລຸດຂອງຊາດ ເມື່ອສະໃໝສົງຄາມ

21-1

ເຊິ່ງວັດທາດຈຸນລະມະນີຕັ້ງຢູ່ບ້ານວັດທາດ ເມືອງໄຊເສດຖາ ຫ່າງຈາກເມືອງສາມັກຄີໄຊ ປະມານ 15 ກິໂລແມັດ. ວັດທາດຈຸນລະມະນີ ເຊິ່ງສະຖິດອັດຖີຂອງ ພະເຈົ້າໄຊຍະເສດຖາທິລາດ (ຊື່ເດີມຮຽກວ່າ ພະເຈົ້າເສດຖະວັງໂສ) ພະອົງແມ່ນໜຶ່ງໃນຈຳນວນບັນພະບູລຸດ ເຊື້ອກະສັດຂອງລາວ ທີ່ອົງອາດກ້າແກ່ນ ບໍ່ຍອມຈຳນົນ, ມີບົດບາດຂຶ້ນຄອງລາດ ປົກຄອງ ນະຄອນຊຽງທອງ, ນະຄອນຊຽງໃໝ່ ແລະ ລົງມາເຄື່ອນໄຫວປັບປຸງກຳລັງຢູ່ ເມືອງຣາມາລັກອົງການ (ອັດຕະປື) ໃນປີ ຄ.ສ 1572 ຖືກທ້າວ ພະຍານະຄອນ ໃຊ້ກົນອຸບາຍ ແລະ ຄາດຕະກຳເຮັດໃຫ້ພະອົງ ເຖິງແກ່ສະຫວັນນະຄົດໃນມື້ແຮມ 3 ຄ່ຳ (ເດືອນ3) ຄສ 1572.

ວັດແຫ່ງນີ້ເປັນສະຖານທີ່ສັກສິດທີ່ຜູ້ຄົນໃຫ້ຄວາມເຄົາລົບ ແລະ ມີຄົນມາກາບໄຫວ້ບູຊາ ທາດອັດຖິ ຂອງພະເຈົ້າໄຊຍະເສດຖາ ຢ່າງບໍ່ເຄີຍຂາດ ຫາກໃຜຫາກໍ່ຮູ້ວ່າທີ່ແຂວງອັດຕະປື ຍັງມີສະຖານທີ່ບັນຈຸອັດຖິຂອງ ພະເຈົ້າໄຊຍະເສດຖາທິຣາດ ເມື່ອໄດ້ມາເຖິງອັດຕະປື ແລ້ວກໍ່ຢ່າລືມມາທ່ຽວຊົມ ແລະ ກາບໄຫວ້ບູຊາທາດອັດຖະພະເຈົ້າໄຊຍະເສດຖາໄດ້ທີ່ວັດແຫ່ງນີ້

479-2

79-1

33-1

379-1

ຂໍ້ມູນຈາກ: http://www.laogov.gov.la/

ຮູບພາບຈາກເຟສບຸກ: Anousone Manisouk
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...